*ସ୍ବପ୍ନ*
*ସ୍ବପ୍ନ*
1 min
113
ମିଛ ମରୀଚିକା ପରି
ଆଖିରେ ଘର କରିଥିବା ସ୍ବପ୍ନ ସବୁକୁ
ଘରେ ଲାଗିଥିବା ଅଳନ୍ଧୁ ପରି ସଫାକରିଦେବାପରେ,
ଆଜି ଭାରି ହାଲୁକା ଲାଗୁଛି ||
କାହିଁକି ବା ପାଳିଥାନ୍ତି ସେମାନଙ୍କୁ?
ଖାଲି ଯାହା କଷ୍ଟ ଦେଇଜାଣନ୍ତି
ଥରେ ହେଲେ ଭାବନ୍ତିନି
ସେମାନଙ୍କୁ ଆଖିରେ ସଜାଇଥିବା ମଣିଷଟା,
ଦିନେ ହୁଏତ ସୀତା ସାଜି ଡ଼େଇଁପାରେ ସମାଜର ଲକ୍ଷ୍ମଣରେଖା
ପୁଣି କେବେ ତାଙ୍କୁ ପୁରା କରିବାକୁ,
ଭେଦିପାରେ ବିଶ୍ୱାସର ପ୍ରାଚୀର ||
ଆଉ ଇଚ୍ଛାନାହିଁ ସେମାନଙ୍କ ଭେଜାଲ ରଙ୍ଗରେ,
ରଙ୍ଗେଇହୋଇ ଦୁନିଆଁ ଆଗରେ ଚକଚକ ଦିଶିବାକୁ ||
ଏବେ ଯାହା ବଞ୍ଚିବାକୁ ହେବ ସେମାନଙ୍କ ପାଇଁ,
ଯାହା ଆଖି ଆଜିବି ସଜାଏ ମୋ' ପାଇଁ ରଙ୍ଗଭରା ସ୍ବପ୍ନ ||