ଜୀବନର ଅଭିସନ୍ଧି

ଜୀବନ ଏକ ମରୁଦ୍ୟାନ

ଚାଲିବାକୁ ଶିଖି

ଜୀବନ ଏକ କାକଟସ ଫୁଲ

ବାସ ରସ ତା ପରଖି

ଜୀବନ ଏକ ନାଟକ

କେବେ ନାୟକ ସାଜି

ଜୀବନ ରଙ୍ଗମଞ୍ଚ ରେ

ସଂଳାପ ଆଳାପ ରେ ଭିଜି

ଜୀବନଟା ଖୋଲା ବହି

ଫର୍ଦ ରେ ସତ୍ୟ ସନାତନୀ

ଜୀବନଟା ଇସ୍ତାହାର

ଓଁ ସଂଜୀବନୀ

ଜୀବନର ଚଲାପଥ

କୁସୁମିତ ହୋଇ

ଜୀବନର ସ୍ୱାର୍ଥ ଓ ସର୍ତ୍ତ

ଇତି କରିଦେଇ

ଜୀବନରେ ସ୍ୱାର୍ଥ ତ୍ୟାଗ

ମଣିଷର ମହତ ପଣିଆ

ଜୀବନର ଦୁଇ ନିଆଁ ଭିତରେ

ନହେବା ହତାଶିଆ

ଜୀବନଟା ନୁହେଁ ଗୋଟେ

ଗୋଲାପର ଶେଜ

ଜୀବନରେ ମୁକ୍ତି ପଥ

ହରି ଓ ହରଙ୍କୁ ଭଜ

ଜୀବନର ସରସୀ ରେ ପୂର୍ଣ୍ଣକଳସୀ

ଥୋଇଦେଇ ଥରେ ଦେଖ

ଜୀବନ ମଧୁମୟ ବରଷିବ ଅମୃତଝର

ଥରେ ପରଖ ଓ ଶିଖ

ଜୀବନର ଅସ୍ମିତା ବାଗ୍ମିତା ଗୋଟେଇ

ବହିଟିଏ ଥାଉ ପରପିଢ଼ି ପାଇଁ

ଜୀବନର ଅନ୍ୱେଷଣ ଆହରଣ

ଫର୍ଦ ପରେ ଫର୍ଦ ଯାଉ ଇତିହାସ ହୋଇ ।