ଲାଇବ୍ରେରୀ
ପ୍ରୋଫାଇଲ୍
ଜୀବନ
ଜୀବନ
1 min
253
ମୁଇଁ ଦେଖିଛେ ସକାଳ ସକାଳ
ତର ହସି ଖୁସିର ମୁହୁଁକେ
ଖିଲ ଖିଲିଆ ହସ
ଝିକମିକିଆ ଟିକ ଟିକିଆ
ଓସ ର ଘାସ ଫୁଲ୍ ଥି l
ମୁଇଁ ଫେର ଦେଖିଛେ ତର
ଥୁତନାଁ ମୁରା ମୁହୁଁକେ
ମଡ଼ା ଫୁଲର ଗୁଭାନେ
ଏ ଜୀବନ
ମୁଇଁ ତକେ ଦେଖିଛେ
କଂସର ବନ୍ଦୀଶାଳେ
ଦେଖିଛେ ତକେ
ପୋରବନ୍ଦର ଠାନୁଁ ପ୍ରାଥନା ସଭାତକ
ଧନୁ ଠାନୁଁ ବନ୍ଧୁକ ତକ ସକ
ଅନୀତି ନୁ ସରଗ ଦୁଆର ତକ
ରେ ଜୀବନ
ମୋର ମା ଦେଖିଥିଲା
ତର ହସ ହସିଆ ମୁଁହୁଁକେ
ନାଚ ଗୀତ ଥି
ମୋର ଜନମ ସାଲ ନେଇ l
ମୁଇଁ ବି ଦେଖିଛେ
ଚୁପଚାପ ସୁନସାନ ଥି
ତର ସୁଖଲା ମୁଁହୁଁକେ
ଦକ ଦକ ଜଳୁଥିବାର
ନଦୀ ଖଣି
ଆମର ଗାଁ ବେଶ୍ ମୁଡ଼ଶା
ବାଏରି ନାନୀର ଘରେ l
