ଅବ୍ୟକ୍ତ ପ୍ରେମ
ଅବ୍ୟକ୍ତ ପ୍ରେମ
ନୀରବ ନିଶ୍ଚଳ ପ୍ରିୟତମା ମୋର
ନିଦାଘର ରୂପ ରାଣୀ
ବସନ୍ତ ତେଜିକି ବିଷାଦ ଯୋଗରେ
ପରଶୁଛି ରୌଦ ବାଣୀ ll
ବାରଙ୍ଗ ଜାଳୁଛି ନିଦାଘର ଦୁଃଖ
ରସେ ରହି କାମଲାଙ୍ଗୀ
ଅମା ଅନ୍ଧାରକୁ ଉଜ୍ବଳ ତାରକା
ଯାଉଛି ମାନଙ୍କୁ ଭାଙ୍ଗି ll
ରତି ସଜ ପ୍ରାୟେ ସରସିତା ଵାଳା
ବଦନ ପୂର୍ଣ୍ଣିମା ଚାନ୍ଦ
ରତ୍ନାକର ହାର ମୁକୁତା ସମ୍ଭାର
ଗାଉଛି ସୁରଭି ଛାନ୍ଧ ll
ବିଧୁ-ବିଧୁରୂପ ମନମଥ ଦେହ
ପୁଲକିତ ତନୁମନେ
କୁମୁଦିନୀ ଆଶ କରୁଛି ପ୍ରକାଶ
ଅବ୍ୟକ୍ତ ପ୍ରେମ ମଗନେ ll
ନତ ମଥାମଣି ନିରତେ ଧରିଛି
ମୁକୁର ବାସ ନିର୍ଝର
କୁଞ୍ଜର ଗମନା ଶ୍ଵେତ ତନୁ ଧାରି
ଭ୍ରମେ ଭ୍ରମୁଛି ଭ୍ରମର ll