ଜୀବନ ସଙ୍ଗୀତ

ଜୀବନରେ କିଏ କେବେ ଆସିଯାଏ

   କେବେ କିଏ ଏଠି ନିଜର ହେଇଯାଏ

ଜଣା ନଥାଏ କିଏ ହୃଦୟ କିଣି ନିଏ

   ମନକୁ ଚିନ୍ହିଲା ପରି ସାଥୀ ମିଳିଯାଏ

ଜୀବନ ସଂଗୀତକୁ ମିଳିଯାଏ ସୁର

  ମଣିଷ ଟେ ସଦା ଅଧୀନ ଭାଗ୍ୟର

ସେ ସଂଗୀତ ସୁରେ ହଜିଯାଏ ନର

   ଭୁଲି ହେଇଯାଏ ଆପଣା କି ପର

କାହା ପାଇଁ ହୃଦୟ ହୁଏ ବିଚଳିତ

   କିଏ କରେ ଅବା ମନ ଆନ୍ଦୋଳିତ

କବର ତଳର ଆତ୍ମାବି ହୁଏ ଜାଗ୍ରତ

   ଶୂନ୍ୟ ଜୀବନକୁ ଖୁସି ମିଳେ ଅଦ୍ଭୁତ

ବଢିଯାଏ କେବେ ଭାବ ପ୍ରବଣତା

   ସହି ହୁଏ ନାହିଁ ଟିକେ ବି ତିକ୍ତତା

କାହା ପାଇଁ ଜୀବନ ଅଟକେ ଅଯଥା

   କିଏ ସାଜିଯାଏ ଭାଗ୍ୟ ଓ ବିଧାତା

ଜୀବନ ସଂଗୀତ ଟି ଥିଲେ ବି ବେସୁରା

   ସେ ସୁରେ ହଜିବାକୁ ଲାଗେ ନିଆରା

ମଣିଷ ଟେ ପାଇଁ ସାଜେ ମଣିଷ ଆସରା

   ଜୀବନ ସଂଗୀତ ଅଟେ ଭାରି ନିଆରା