ଜୀବନ ଓ ରଙ୍ଗ

ଜୀବନର ରଙ୍ଗ           ବଦଳି ଯାଇଛି

       କେବେ ଗାଢ଼ କେବେ ଫିକା l

ସାମାଜିକ ଢ଼ଙ୍ଗ          ପ୍ରକାଶ ପାଉଛି

         ଭାଙ୍ଗି ସବୁ ନିରବତା ll

ବିଶ୍ୱର ଚଳଣୀ           ବଦଳି ଯାଇଛି

        ସ୍ୱଚକ୍ଷୁରେ ଥରେ ଦେଖ l

ସାମାଜିକ ଶବ୍ଦ         ଦୁରେଇ ଯାଉଛି

         ଛାଡି ଯିବନି ତ ପାଖ ll

ଶୁଭୁନାହିଁ ଆଉ          ମିଛ ଅଭିନୟ

          ଝରୁନି ଆଖିର ଲୁହ l

ବାସ୍ତବତା ଦେଖି          ଲାଗୁଅଛି ଡର

       ହାତ ଛାଡିଦେଲା ମୋହ ll

ରଙ୍ଗହୀନ ହୋଇ         ରଙ୍ଗ ସାଉଁଟୁଛି

         ସହଜକେ ମିଳି ଯିବ l

ଯେଉଁ ରଙ୍ଗ ଯଦି        ଥରେ ଉଡ଼ିଗଲା

         ସୁନ୍ଦର କି ଦେଖାଯିବ ll

ସାତ ରଙ୍ଗ ବୋଲି        ସଭିଏଁ ଜାଣନ୍ତି

         ରହିଛି ଅନେକ ବାକି l

ଅପମାନ ରଙ୍ଗ         ଗାଢ଼ କଳା ବର୍ଣ୍ଣ

       ପାସୋରି ଗଲ ସତେକି ??

ଜୀବନେ ଅନେକ        ରଙ୍ଗ ଭାରି ଅଛି

          କିଛି ଜଣା ଓ ଅଜଣା l

ସୁକର୍ମ ରଙ୍ଗରେ        ମିଳେ ସୁଖ ଶାନ୍ତି

        ମାଗଣା ରଙ୍ଗେ ଯନ୍ତ୍ରଣା ll

ନିଜେ ରଙ୍ଗ ଦିଅ        ଆପଣା ଜୀବନେ

         ହୁଅନାହିଁ ରଙ୍ଗହୀନ l

ନୀତି ନିନ୍ଦୁଥାଏ         ଆପଣା ଭାଗ୍ୟକୁ

        ହୁଏ ଯିଏ ରଙ୍ଗ ହୀନ l l