ଜୀବନ ମୃତ୍ୟୁ

କେହିବି ରହେ ନାହିଁ ଅମର ହୋଇ,

ଜୀବନ ପାଣି ଫୋଟୋକାଟେ ଅଟଇ ।

କେତେ ଦିନ ପାଇଁ ଏ ଧନ ଗରବ,

ମୃତ୍ୟୁ ଦିନେ ନା ଦିନେ ନିଶ୍ଚେ ଆସିବ।୧। 

ମିଛ ମୋହମାୟାର ମିଛ ସଂସାର,

ସ୍ୱାର୍ଥ ପୂରଣ ପରେ କରିବେ ପର ।

ସୁଖ ପଛରେ ତୁମେ ଯେତେ ଧାଇଁବ,

କାଳ ଯମ ସହିତ ଶୀଘ୍ର ଭେଟିବ।୨।

ଆଜି ଯିଏ ନିଜର କାଲି ଅଜଣା,

ବଦଳେ ଜୀବନ ରାସ୍ତାର ଠିକଣା ।

ଅତି ଲୋଭେ ବହୁତ କ୍ଷତି ସହିବ,

ଶେଷରେ ମୃତ୍ୟୁ ପାଖକୁ ଡାକିବ।୩।

ଲୋଭ ଓ ସ୍ଵାର୍ଥ ଜାଲରେ ପଡିଯାଇ,

ବିଚରା ପ୍ରାଣୀଟି ବହୁ କଷ୍ଟ ପାଇ ।

କାଳର କରାଳ ଗର୍ଭେ ପଡ଼ିଥାଇ ,

ନିଃଶ୍ବାସ ବି ତାହାକୁ ଧୋକା ଦିଅଇ।୪।

ଯେତେ ଦିନ ବଞ୍ଚିଛ ଧରମ କର,

ମାନବ ଜୀବନକୁ ସାର୍ଥକ କର ।

ପାଇବାର ଲାଳସା ହଟାଇ ଦିଅ,

ସତ୍ କରମ କରି ସୁଫଳ ପାଅ ।୫।