ଜୀବନ ବ୍ୟଞ୍ଜନ

ଲଙ୍କାଗୁଣ୍ଡ ପରି କ୍ରୋଧଟି ନ ଥିଲେ

ଚିନି ପ୍ରେମ ମିଠା ଭଲ ଲାଗେ କି !

ବୁଝାମଣାର ମସଲା ନ ଥିଲେ

ସମ୍ପର୍କ ରୋଷେଇ ହେବ କେମିତି ?

ଯେତେ ସୁଆଦିଆ ବ୍ୟଞ୍ଜନ ଥିଲେବି

ମନ ଚାହୁଁଥାଏ ଅଜଣା ଛୁଙ୍କ

ହିଙ୍ଗୁ ପରି ସେଇ ସ୍ମିତ ହସ ଟିଏ

ଜୀବନେ ଆଣେ ସ୍ଵାଦ ମହକ l

ଜିରା ପରି ଛୋଟ ଛୋଟ ସାହାଯ୍ୟ

ମେଥି ଆଉ ପାନମଧୁରୀ ସମ

ପାଞ୍ଚଫୁଟଣ ମିଶିଗଲା ପରେ

ସୁଗନ୍ଧ ଆହୁରି ହୁଏ ଉତ୍ତମ l

ହଳଦୀ ସଦୃଶ୍ୟ ବ୍ୟବହାର ରଙ୍ଗ

ଅତି ଉପକାରୀ,ସବୁଠୁ ଜରୁରୀ

ତେଲ ଘିଅ ଅଟେ କୋମଳ ବଚନ

ବିନା ହୁଏନାହିଁ ପାକ ସଂଚାରି l

ଯେତେ ଥାଉ ପଛେ ଉପକରଣ

ଆତ୍ମୀୟତା ଟି ଯେ ଲୁଣ ସମାନ

ମିଳାଇ ଯାଏ ଅସ୍ତିତ୍ଵ ହଜାଇ

ତା ବିନା କିଛି ନୁହେଁ ସମ୍ପୂର୍ଣ୍ଣ l