ଜୀବନ ଆଶ୍ରୟ
ଜୀବନ ଆଶ୍ରୟ
1 min
230
ଜୀବନ ଚରିତ୍ରକୁ ଚରିତାର୍ଥ କରିବା ପାଇଁ...
କରୁଅଛି ମୁଁ କେତେ ଅଭିନୟ,
ବଡ଼ବଢ଼ିଆଙ୍କ ସାଙ୍ଗେ ଅଯଥା ସାଥି ହୋଇ,
ଭୁଲିଯାଉଛି ପ୍ରକୃତ ଅର୍ଥର ମୂଲ୍ୟ ।
ସେଦିନ ପରି ଆଜିବି ମୋ ଦେହେ...
ସଂଚାରିତ ହଉଛି ଲାଲ୍ ରକତ,
ଫରକ୍ ଏତିକି...
ମୋହ ମାୟାର ମାୟାଜାଲ ମଧ୍ୟେ,
ଭୁଲିଯାଇଛି ଆପଣା ଆଉ ପର ।
ନିଜ ସମ୍ପର୍କର ରକ୍ତ ଆଜି ଶ୍ୱେତ,
ପରାଶ୍ରୟେ ମୁଁ ଅନବରତ ଆସକ୍ତ,
ପରିଚୟ ଭୁଲି ସମାଜେ ଆଜି କଳଙ୍କିତ,
ପାସୋରି ଦେଇଛି ବାଲ୍ୟ ଆଶ୍ରୟ ।
ଯୋଉ ହାତ ଧରି ଶିଖିଲି ଚାଲି,
ସେ ହାତ ଆଜି ମୋ ହାତ ଖୋଜୁଛି,
ଏଇ ହାତରେ ତ ମାୟାର ଶିକୁଳି,
ବାତ୍ସଲ୍ୟ ମମତା ବୁଝିବ କାହିଁ ?