ଝରକା ସେ ପାଖେ

ବର୍ଷା ଗୋ ତୁମେ ଆସିଛ ମରତେ

ରୁଣୁ ଝୁଣୁ ପାଦେ ଘୁଙ୍ଗୁର ଝଲସେ

କାଚ ଝରକାର ଶୁଭ୍ର ଆଲୋକରେ

ମୁହଁ ଟି ତୁମର ଚିକ ଚିକ କରେ

ସତେ ଅବା ଆଜି ଆସିଛ ମୋପାଇଁ

ମଣି, ମୁକୁତାର ଶୁଭ୍ର ହାର ହୋଇ

ବୁଝି ପାରୁନି ସେ ସ୍ନେହର ପସରା

ମୋ ପାଇଁ ହେ ସଖି ଆଣିଛୁ ତୁ ପରା l

ସଜଳ ନୟନା ଗୋ ରୂପ ଅନୁପମା

ମଞ୍ଜିର ଗୂଂଜନେ ନାହିଁ ତ ଉପମା

ସତେ ଅବା ତୁମେ ମେଘ କୂଳ ବଧୂ

ମୁହଁ ରେ ତୁମର କି ସୁନ୍ଦର ମଧୁ

ସୁନ୍ଦର ସୂଜଳ ସେଇ ମୁକ୍ତା ହାର

ମୋ ପାଇଁ କିବା ସେ ସଖ୍ୟ ଉପହାର l

ବରଷା ଗୋ ପୁଣି କାଚ ଝରକା ରେ

ମୁହଁ ଦିଶେ ସେଇ ବିଜୁଳି ଅlଳୁଏ

ସେ ଶୁଭ୍ର ତନୁ ଦେଖି ଲାଖି ଯାଏ ଆଖି

ସତେ ଅବା ସେ ଶୁଭ୍ର ପlଟ ପରିହିତା

ମୋ ପାଇଁ ତୁମେ ତ ଚିର ପରିଚିତା l

ଆଣିଛ ସାଥି ରେ ସବୁଜ ଓଢଣୀ

ପୃଥିବୀ ମା କୁ ଭେଟି ଦେବ ପୁଣି

ପ୍ରେମ ମୟୀ, ହାସ୍ୟ ମୟୀ ତୁମେ ମୋ କବିତା

ମୋ ହୃଦୟ କାନନେ ଚିର ବିରାଜିତା

ତୁମେ ତ ମୋହର ଏକାନ୍ତ ସଖି ଟେ

ମୋ ଝରକା ଫାଂକେ ନିଈତି ମୁଁ ଦେଖେ l