ଅଭିଯୋଗ

ଶୁଣୁଛ 

ତୁମ ନାଁ ରେ ଅଭିଯୋଗ ଅଛି ! 

କାହା ସନ୍ତାନର ମା ହେବା ପରେ 

ଆଉ କା ସିନ୍ଦୁର ପିନ୍ଧିବା ପରେ, 

ମୁଁ ଭରି ଦେଇଛି ତୁମ ସିନ୍ଥି ll

ଭାବୁଛ 

ବୋଧହୁଏ ମୁଁ ଜାଣିନି କିଛି ! 

ସବୁ ଜାଣିଛି ସବୁ ଶୁଣିଛି ;

କେବଳ ଦୁନିଆ ଦାଣ୍ଡରେ ଚାଲିବ ମଥା ଟେକି, 

ନେଇଛି ଏକ ଦୁର୍ବାର ନିଷ୍ପତ୍ତି ll

ଜାଣିଛ 

ମୋର ତମ ଠୁଁ ନାହିଁ କିଛି ପ୍ରାପ୍ତି, 

ନ ପାଇଲେ ବି ନୂହେଁ ମନେ ଦୁଃଖୀ ;

ଖାଲି ସମାଜକୁ ଦେଖି ଅନୁରୋଧ ଏତିକି 

ମୋ ପରିବାରର କେବେ କରିବନି କ୍ଷତି ll

ଦେଖୁଛ 

ତମେ ଆଗଭଳି ଆଉ ନାହଁ ଅସୁଖୀ, 

ମନେ ହୁଏ ତୁମେ ଏବେ ବହୁତ୍ ଖୁସୀ ;

ତମ ଆଚରଣ ପକ୍ୱତା ଦେଖି ଭାବିଛି 

ବାକି ଜୀବନଟା ତମ ସାଥେ ଯାଉ ବିତି ll