Library
Profile
ଝରାପତ୍ରର ମାର୍ମିକ ଭାବନା
ଝରାପତ୍ରର ମାର୍ମିକ ଭାବନା
1 min
215
କିଛି ଅନ୍ଧାରରେ ତିଆରି
ଭାଗ୍ୟ ତାର
କିଛି ଆଲୁଅରେ ଝଲସେ
ତା ଆଖିର ଡୋଳା
କିଛି ବିବର୍ଣ୍ଣ ସ୍ବପ୍ନରେ ଲଟପଟ ମନ
କିଛି ସବୁଜିମା ଭିତରେ
ହସୁଥାଏ ହୋଇ
ରକ୍ତିମ-ତାମ୍ବୁଳ ରଙ୍ଗର ପିତୁଳା
ନିଆଁରେ ଜଳୁଥାଏ
ଦୁଃଖ ତାର ହୁତ୍ ହୁତ୍ ହୋଇ
ପବନରେ ଚହଟେ
ତା ଖିଲିଖିଲି ହସର ନିଃଶ୍ବାସ
ନିଃସଙ୍ଗ ପଣ ଝରୁଥାଏ
ଘାସର ଫୁଲରେ
ନିଃଶବ୍ଦରେ
କାକର ଟୋପାର ଝୁଲା ଝୁଲୁଥାଏ
ସୁନେଲୀ ଖରାରେ
ପ୍ରଜାପତିର ଡେଣାରେ ଉଡ଼ିଯାଉ ଥାଏ
ଝରା ପତ୍ରର
କୋମଳ ବିଶ୍ୱାସ ।
