ଜହଁରା ଦେଖୁଛେ
ଜହଁରା ଦେଖୁଛେ
ଆଏଁଖ୍ ଥେଇକରି ମୁନୁସ୍
କାଏଁଜେ ହେଉଛେ ଅନ୍ଧା
ଟୁଣ୍ ଥେଇକରି ମୁନୁସ୍
କାଏଁଜେ ହେଉଛେ କୁନ୍ଦା ।।
ଦୁନିଆ ଜଲୁଛେ
ଦୁର୍ ନିତି ହିଁସ୍ ଅହଁକାରନେ
ଗୋଡ୍ ଘିଚା ପରକୁତି
ରହିଛେ ଇ ମୁନୁସ୍ ଠାନେ ।।
କାନ୍ ଥେଇକରି ମୁନୁସ୍
ଆଏଜ୍ କାଏଁଜେ ଭଁଏରା
ସବୁ ଦେଖୁଛେ ଧରମ୍ ଦେବତା
ଦେଖୁଛେ ସେ ଜହଁରା ।।
ଭାଏ ଭାଏ ସନେ ମାର୍ ପିଟ୍
ବୁହି ଜାଉଛେ ରକତ୍
ଧନି ଗରିବ୍ କେ ନଚାସି
ଦେଖେଇ ତାର୍ ତାକତ୍ ।।
ସବୁ ଦେଖୁଛେ ଧରମ୍ ଦେବ୍ତା
ଗନୁଛେ ସବୁ କରମ୍
ପାପ୍ ପୁଇନର୍ ହିସାବ୍
ଗୁଟେ ଗୁଟେ କରି ନେବା ଜମ୍
ସବୁ ଦେଖୁଛେ ଜହଁରା
ସବୁ ଦେଖୁଛେ ଧରମ୍ ।।
ଡିସମ୍ୱର ମେହେର
ଗଣ୍ତାବାହାଲି ,ନୂଆପଡା