ଜହ୍ନ ଦେଖେ ଲୁଚି
ଜହ୍ନ ଦେଖେ ଲୁଚି
ଆଜି କିଆଁ ଜହ୍ନ ଲୁଚି ଲୁଚି ଦେଖେ
ବହୁଚି ପୂବେଇ ବାଆ
ସାଥି ବିନା ଆଜି ଭଲ ଲାଗୁନାହିଁ
ମନ ଭାରି ଅମାନିଆଁ ।
ଆଖ ଆଗେ ସବୁ ଧୂଆଁ ଧୂଆଁ ଦିଶେ
ଜହ୍ନରେ ଜଳୁଛି ନିଆଁ
ତଥାପି ଝରକା ଫାଙ୍କେ ଚାହିଁ ଦିଏ
ଫୁଲେଇ ହେଉଛି କିଆଁ
କୋଇଲିର ସୁର ବେସୁରା ଲାଗୁଛି
ଶିହରିତ ହୁଏ ହିଆ ।
ଜହ୍ନକୁ କହିଲି ଚାହିଁବୁନି କେବେ
ବଉଦ ଝରକା ଖୋଲି
ମୋ ଘର ଝରକା କିଳି ଦେଉଛି ମୁଁ
ପ୍ରିୟ ଘରେ ନାହିଁ ବୋଲି
ଜୋଛନା ରାତିଟା ଦିଶେ ଫିକା ଫିକା
ମନରେ ଅଦେଖା ନିଆଁ ।