ଲାଇବ୍ରେରୀ
ପ୍ରୋଫାଇଲ୍
ଝିର୍ ବୁଆ
ଝିର୍ ବୁଆ
1 min
256
କିହେ ନେଇନ ତାର୍ ଏଡ଼େ ଧନୀ ଟେ
ଝିର୍ ବୁଆ ଅଟେ ଯିଏ
ନିଜର୍ କଲଜା କାଟିକି ଦେଶୀ ସେ
ତାର୍ ଏଡ଼େ ଦାନୀ କିଏ ।
ଝିଇ ଏକା ତାର୍ ଜୀବନ୍ ଯେ ଅଟେ
ଝିଇ ଯେ ତାହାର୍ ଧନ୍
ଝିଇ ଦେଲାବେଳେ ଧନ୍ ଦେଇଦେଶୀ
ଧନେ ନେଇ ଥାଏ ମନ୍ ।
ଗୁଟେ ଏକା ତାର ଅମୂଳ ରତନ୍
ସେ ହିଁ ହେଇଗଲେ ପର୍
ସବୁ ଯେ ତାହାକେ ଲାଗେ ଖାଲି ଖାଲି
ଘର୍ ନିଲାଗେ ଯେ ଘର୍ ।
ଜୀବନ୍ ଠାନୁ ବେସି ଭଲ୍ ପାଇକି
ତାହାକେ ଯେ କର୍ସି ପର୍
କଲଜା କଟିକି ବୁଆ ଦେଇଦେଶୀ
ବୁଆ ନି ସେ ସାଧା ନର୍
ବୁଆ ନି ସେ ସାଧା ନର୍ ।।
