ଜଗନ୍ନାଥ ଜଣାଣ

ମୁଁ ମୁକତି ମାଗୁନି ହରି

ଅସୁଥିବି ଯାଉଥିବି

ତବ ମୁଖ ଚାହୁଁଥିବି

ପାଉଥିବି ଶ୍ରୀ ଚରଣ ଧୂଳି ।

ଗୁନ୍ଥିବି ମଲ୍ଲୀ ତରାଟ ମାଳ

ଦୟଣା ତୁଳସୀ ମାଳ

ଖଞ୍ଜି ଦୁର୍ଲଭା କେରୀ କେରୀ ।

ଚନ୍ଦନ କର୍ପୁର ଦେଇ

ତାମ୍ବୁଳ ଖଞ୍ଜିବି ନେଇ

ରଞ୍ଜିବାକୁ ହୃଦୟ ତୁମରି।

ତୁଣ୍ଡେ ଗାଉଥିବି ଗୀତ

ମୁଣ୍ଡେ ଯୋଡି ବେନି ହାତ

ଭାବେ ଅଶ୍ରୁ ଯାଉଥିବ ଝରି ।

ନନ୍ଦିଘୋଷ ଆଗେ ରହି

ମୁଖେ ରାମ ନାମ କହି

ହାତେ ରଥ ରଜ୍ଜୁ ଥିବି ଧରି।

ମାଗୁଣି ହେ ଜଗଦୀଶ

କରିବ ନାହିଁ ନିରାଶ

ନିରୀମାଖୀ ଅଟେ ମୁହିଁ ହେ।