ଆସୁଛି ମକର

ଆସୁଛି ମକର ଚହଳ ପକାଇ

ସଜବାଜ ଆସ ହେବା ।

ନୂୂଆ ଅରୁଆ ଚାଉଳ ନୂଆ ଗୁଡ

କଦଳୀ କ୍ଷୀର ଆଣିବା ।୧।

ନଡିଆ ଅଦା ଶ୍ରୀକର୍ପୂର ମରିଚ

ସବୁ ସଜାଡି ରଖିବା ।

ମକର ପରବ ପାହାନ୍ତି ପହରୁ

ସ୍ନାହାନ ଆମେ ସାରିବା ।୨।

ସକାଳୁ ସକାଳୁ ସୁରୁଜ ଉଇଁଲେ

ମକର ଚାଉଳ କରି ।

ଜଗତର ଏକଚକ୍ଷୁ ସୁରୁଜଙ୍କୁ

ପୂଜିବା ଭାବରେ ବରି ।୩।

ଗୃହଦେବଦେବୀ ପୂଜିବା ମକର

ଚାଉଳ ଭୋଗ ଲଗାଇ ।

ମକର ମେଳାରେ ଯୋଗ ଦେବା ଯାଇ

ମେଳା ଲାଗିଥିବ ଯହିଁ ।୪।

ଲଭି ସାଧୁସଙ୍ଗ ମକର ମେଳାରେ

ଧନ୍ୟ ହୋଇବ ଜୀବନ ।

ମକର ପରବ ଆମ ଦେଶ ସାରା

ହୋଇବ ଏବେ ପାଳନ ।୫।

ରାଷ୍ଟ୍ରୀୟ ପର୍ବ ଏ ଭାରତୀୟଙ୍କର

କୃଷି ଅମଳ ପରବ ।

ଦକ୍ଷିଣ ଭାରତେ ପୋଙ୍ଗଲ କହନ୍ତି

ଆଦିବାସୀ ଟୁସୁ ପର୍ବ ।୬।

ଭୋଜିଭାତ ନାଚଗୀତେ ଆଦିବାସୀ

ପାଳନ୍ତି ଏଇ ପରବ ।

କେହି କେହି କହିଥାଆନ୍ତି ଏହାକୁ

ଗୁଡି ଉଡାଇବା ପର୍ବ ।୭।

କେହି କେହି ଝିଅ ମକର ବସନ୍ତି

ଏଇ ପରବ ଦିନରେ ।

ମକର ପରବ ହୁଏ ତୀର୍ଥସ୍ଥଳେ

ଦେବଦେବୀଙ୍କ ମନ୍ଦିରେ ।୮।

ଆମ ଓଡ଼ିଆଙ୍କ ଗର୍ବ ଗଉରବ

କାଳିଆ ଠାକୁରଙ୍କର ।

ମକର ଚୌରାଶୀ ବେଶ ହୋଇ

ଭୋଗ ଲାଗେ ଚାଉଳ ମକର। ୯।

ଭାଇଚାରାର ଏ ମକର ପରବ

ପୂଜା ସାରି ଖିଆଖେଇ ।

ହୁଅନ୍ତି ମକର ଚାଉଳ ଆନନ୍ଦ

ଉଲ୍ଲାସ ପରବ ଏଇ ।୧୦।

ଏଇ ଦିନ ସୂର୍ଯ୍ୟ ଉତ୍ତରାୟଣକୁ

ଚଳନ କରି ଥାଆନ୍ତି ।

ଦିନ ବଡ ହୁଏ ସେଥିପାଇଁ

ମକରରୁ ବକର କହନ୍ତି ।୧୨।

ମକର ମିଳନ ଆସର ଜମିବ

ସାରସ୍ବତ ସମାରୋହ ।

ହୋଇବ ପାଳନ କବି ଭାବେ

ଭାବ ଲାଗିରହୁ ଅହରହ। ୧୩।