ଜଗବନ୍ଧୁ ହେ ଗୋସେଇଁ
ଜଗବନ୍ଧୁ ହେ ଗୋସେଇଁ
ତୁମେ ଲୀଳାମୟ କରୁଣା ସାଗର
ଶ୍ରୀକ୍ଷେତ୍ରେ ହୋଇଛ ବିଜେ
ତୁମେ ମହାବାହୁ ତୁମରି ଦୟାରେ
ମନରୁ କାଳିମା ହଜେ I
ପ୍ରତିଯୁଗେ ତୁମେ ଏ ଧରାଧାମରେ
ପ୍ରକାଶିଛ ତୁମ ଲୀଳା
ରାମ ହୋଇ ତୁମେ ରାବଣ ମାରିଛ
କଂସଅରି ନନ୍ଦବାଳା I
ତୁମରି ନିର୍ଦ୍ଦେଶେ ସୂର୍ଯ୍ୟ ଚନ୍ଦ୍ର ନିତି
ହେଉଛନ୍ତି ଆତଯାତ
ପାଖ ମାଡେନାହିଁ ଦୁଃଖର ଲହଡି
ଧରିଥିଲେ ତୁମ ହାତ I
ଆଖିରେ ତୁମର ଆଖି ମିଶିଗଲେ
ମିଳିଯାଏ ତୁମ ଦୟା
ଟିକିଏ ଭକ୍ତିରେ ନେଲେ ତୁମ ନାମ
କଟେ ସଂସାରର ମାୟା I
ତୁମେ ଜଗନ୍ନାଥ ଜଗତର ନାଥ
ତୁମ ନାମେ ଦିନ ହୁଏ
ତୁମ ସ୍ମରଣରେ ଅନ୍ତରାତ୍ମା ମୋର
ପୁଲକିତ ହୋଇଯାଏ I
ମୋ ଅନ୍ତରେ ପ୍ରଭୁ ଭକ୍ତିଭାବ ଦେବ
ଲୋଡାନାହିଁ କିଛି ଆଉ
ତୁମରି କରୁଣା କରିବନି ଉଣା
ଶ୍ରୀଚରଣେ ମନ ଥାଉ I