ଜଗାରେ

କେଉଁ ନାମ ଧରି  ଡାକିବି ଜଗାରେ 

    ତୁହି ପରା ସର୍ବ ନାମ 

କି କାମନା ରଖି  ପୂଜିବି ତୋତେରେ 

    ଲକ୍ଷ୍ୟ ମୋ ଶ୍ରୀକ୍ଷେତ୍ର ଧାମ। ୧।

କେଉଁ ମନ୍ତ୍ର ଧ୍ୱନି  ତୁଣ୍ଡେ ଉଚ୍ଚାରିବି 

    କରିିିବା ପାଇଁ ବନ୍ଦନା 

ଚର୍ତୁବେଦ ଯେ  ତୋ ମୁୁୁଖୁୁ ନିସୃତ 

     ପାରିନି କରି ସାଧନା। ୨।

କେଉଁ ସ୍ୱରେ ଅବା  ଭଜନ ଗାଇବି

     କରିବାକୁ ମନ ତୋଷ 

ତୋ ମୂରଲୀ ସ୍ୱନ  ଶୁଣି ସର୍ବ ଜନ 

     ଆନନ୍ଦେ ହୁଅନ୍ତି ବଶ। ୩।

କେଉଁ ପୁଷ୍ପ ଦେଇ  ଚରଣ ପୂଜିବି 

    ତୋର ତ ପଦ୍ମ ପୟର 

କେଉଁ ବାସ ନେଇ  ଶ୍ରୀଅଙ୍ଗେ ଲେପିବି 

     ଅଙ୍ଗ ବାସୁଛି ଅଗୁର। ୪।

କେଉଁ ପ୍ରୀତି ଭାବେ    ଭାବ ମୁଁ କରିବି

    ପାଇବି ସାନ୍ନିଧ୍ୟ ତୁମ 

ତୋ ମନ,ହୃଦୟେ   ସବୁଠି ପୁରିଛି 

    ରାଧିକା ରାଣୀର ପ୍ରେମ। ୫।