ଜାତିପ୍ରାଣ ମଧୁସୂଦନ

କାଳିଆ ଘୋଡ଼ାରେ ଚଢ଼ି ମଧୁଆ ଓକିଲ

ଡାକ ଦେଲା ଓଡ଼ିଆଙ୍କୁ କିମ୍ପା ଶୋଇଗଲ l

ଉଠରେ ଉଠରେ ବାବା ଉତ୍କଳ ସନ୍ତାନ

ତୋହର ଜନନୀ ପରା କରୁଛି ରୋଦନ l

ଗଙ୍ଗାଠାରୁ ଗୋଦାବରୀ ତୋର ପୂର୍ବସୁରୀ

ଭୁଲି ଗଲୁ କିମ୍ପା ଦିନେ ଥିଲେ ଜୟ କରି l

ଉଠ ତେଜି ନିଦ୍ରା ବାରେ ଧର ଜାତି ଖଣ୍ଡା

ସ୍ୱାର୍ଥ ନତେଜିଲେ ବାବୁ ହୋଇଯିବୁ ଲଣ୍ଡା l

ଜାତି ମେଧ ଯାଗେ ଦିଅ ସ୍ୱାର୍ଥକୁ ଆହୁତି

ଗୋଟିହୋଇ କୋଟି ଡାକ ନୀଳଗିରି ପତି l

ଭୂମି କମ୍ପ ହେବ ନିଶ୍ଚେ ଧରଣୀ ଫାଟିବ

ଉଠିବେ ଜଗତ ମାତା ଜାଣ ଏହା ଧ୍ରୁବ l

ମାତା ପଦ ପୂଜା କର ଯୋଗ୍ୟସୂତ ତୁହି

ଖଣ୍ଡ ବିଖଣ୍ଡିତ ତୋର ମାତା କାନ୍ଦୁ ଥାଇ l

ଏହି ପରି କେଞ୍ଚାମାରି କେତେ କଥା କହି

ନବ ଜାଗରଣ ପ୍ରାଣେ ଥିଲା ସେ ବୁହାଇ l

ଦୀପ୍ତ ଚାହାଣି ତା ନିଶ ଶିରରେ ପଗଡ଼ି

ନେଇଗଲା ନାହିଁ କିଛି ସବୁ ଗଲା ଛାଡ଼ି l

ଓଡ଼ିଆ,ଓଡ଼ିଶା ପାଇଁ କାନ୍ଦିଲା ଯା ପ୍ରାଣ

ସେ ଅଟେ ଏ ଜାତିପ୍ରାଣ ଶ୍ରୀମଧୁସୂଦନ ।