ଜାତୀୟ ସୁରକ୍ଷା ଦିବସ

ନିରାପତ୍ତା ମନୁଷ୍ୟର ମୂଳ ଅଧିକାର,

ନିରାପଦ କାର୍ଯ୍ୟସ୍ଥଳ ନିରାପଦ ଘର,

ଯାତ୍ରାପଥ ଆଉ ସର୍ବ ସାଧାରଣ ସ୍ଥାନ,

ନିରାପଦ ହେଲେ ଟଳେ ସକଳ କଷଣ ││

ଶ୍ରମିକର ନିରାପତ୍ତା ସବୁଠାରୁ ଭାଇ,

କାର୍ଯ୍ୟସ୍ଥଳେ ଆବଶ୍ୟକ ଆମ ହିତ ପାଇଁ │

ଲହୁ ଯା’ର ଲୁହ ହୋଇ ବହିଯାଏ ସିନା

ସମାଜ ହିତରେ, ସେହୁ ଅଟେ ବିଶ୍ବକର୍ମା ││

ତା ହାତେ ଗଢଇ ସେହୁ ନୂଆ ଦ୍ରବ୍ୟ ମାନ,

ଆବଶ୍ୟକତାକୁ ଆମ କରିଣ ପୂରଣ │

ସିଏ ଯଦି ବିପର୍ଯ୍ୟସ୍ତ ହୁଏ କାର୍ଯ୍ୟସ୍ଥଳେ,

ଦୁର୍ଯୋଗ ପଡିବ ନିଶ୍ଚେ ସମାଜ ଉପରେ ││

ତେଣୁ ଭାଇମାନେ ସର୍ବେ ଶ୍ରମିକ ହିତରେ,

ନିଷ୍ଠାପର ଭାବେ କାର୍ଯ୍ୟ କରିବା ତତ୍ପରେ │ 

ନିରାପଦ କରି ସବୁ କାର୍ଯ୍ୟସ୍ଥଳ ମାନ,

ବୃତ୍ତିଗତ ସ୍ବାସ୍ଥ୍ଯ ପ୍ରତି ଉପଯୁକ୍ତ ଧ୍ୟାନ ││

ତା’ହେଲେ ଶ୍ରମିକ ହେବ ସୁସ୍ଥ ଓ ସବଳ,

ତା’ହେଲେ ତା ଦେହେ ମନେ ଶତସିଂହ ବଳ │

ତା’ହେଲେ ଦେବ ସେ ତା’ର ଶତ ପ୍ରତିଶତ,

ଗଢିବାକୁ ଆବଶ୍ୟକ ବସ୍ତୁଏ ପର୍ଯ୍ୟାପ୍ତ ││

ଆଉ ଦେବ ସେହୁ ଏକ ସୁସ୍ଥ ପରିବାର,

ଦେବ ସେହୁ ସମାଜକୁ ସୁସ୍ଥ ନାରୀ ନର │

ତା’ହେଲେ ସମାଜ ତା’ର ଲଭିବ ସୁଫଳ,

ପୁଲକିତ ପ୍ରାଣ ତା’ର ହୋଇବ ଚଂଚଳ ││

  

[ପ୍ରତି ବର୍ଷ ଭାରତରେ ୪ ମାର୍ଚ୍ଚ ଦିନ ଜାତୀୟ ସୁରକ୍ଷା ଦିବସ ପାଳନ କରାଯାଏ | ଶ୍ରମିକମାନଙ୍କୁ ଦୁର୍ଘଟଣାରୁ ରକ୍ଷାକରିବା ଏହି ଦିବସ ପାଳନର ମୂଳ ଉଦ୍ଦେଶ୍ୟ]

[ବି.ଦ୍ର. ଏହି କବିତାଟି କବିଙ୍କ ଦ୍ବାରା ସର୍ବସ୍ବତ୍ବ ସଂରକ୍ଷିତ | ପୂର୍ବରୁ ନିମ୍ନୋକ୍ତ ଅବସରରେ ଏହା ପ୍ରକାଶିତ ହୋଇଥିଲା- (୧) ତା ୦୪-୦୩-୨୦୨୧ ରିଖ (୨) ତା ୦୪-୦୩-୨୦୨୦ ରିଖ, ଇତ୍ୟାଦି | ଏଥର ଏହା କବିଙ୍କ Facebook Page ଏବଂ Blog Sites: https://shaktiprasaddas.wordpress.com; https://blog.storymirror.com (ଓଡିଆ)-ରେ ପ୍ରକାଶିତ |]