Library
Profile
ଜାତିବାଦ
ଜାତିବାଦ
କଣ ମୋତେ ଟିକେ ସ୍ଵାଧୀନତା ମିଳିବ ବଞ୍ଚିବାର
ମୁଁ ଯେବେ ଜନ୍ମ ନେବି
ମୁଁ ଚାହେଁ ତୁମେ ମୋର କେଉଁ ନାଆ ଦେବନି
ନା କୋରାନ ଶୁଣେଇବ ନା ସଂସ୍କୃତ ମନ୍ତ୍ର
ଅବା କେଉଁ ଧର୍ମ ଗ୍ରନ୍ଥ
ମୋତେ ଶୁଣିବାକୁ ଦବ
ଏଇ ବହୁଥିବା ପବନକୁ
ଏଇ ପକ୍ଷୀର ଶବ୍ଦକୁ
ଦେଖିବାକୁ ଦବ ଏଇ ଖୋଲା ଆକାଶକୁ
ତୁମେ ମୋତେ କେଉଁ ସ୍କୁଲରେ ଦାଖଲ ଦେବନି
ମୁଁ ଆପେ ଆପେ ଶିଖି ଯିବି ସବୁ
ଯେମିତି ନଦୀ ବହିବା ଶିଖିଛି
ଯେମିତି ଗଛ ବଞ୍ଚିବା ଶିଖିଛି
ପକ୍ଷୀ ଉଡ଼ିବା ଶିଖିଛି
ଆଉ ମୁଁ ନିଃଶ୍ୱାସ ନେବା ଶିଖିଛି
ତୁମେ ମୋତେ କେଉଁ ମେସିନ ସାହାରାରେ ଛାଡନି
ମୋ ହାତରେ ବହୁତ୍ ଶକ୍ତି ଅଛି
ମୁଁ ନିଜେ କିଛି କରିବାକୁ ଚାହେଁ
ତୁମେ ମୋତେ କିଛି ଶିଖେଇବ ନାହିଁ
ମୁଁ ଭୋକ ହେଲେ ଘାସ ଖାଇନେବି
ଅସୁସ୍ଥ ହେଲେ ଚେର ମୂଳ ଲଗାଇ ନେବି
ମୁଁ ନିଜ ଇଚ୍ଛାରେ ହାତ ଗୋଡ଼ ହଲେଇବି
ମୋର ଡେଣା ଅଛି ମୁଁ ଆପେ ଆପେ ଉଡ଼ିବି
ମୋର ଉପନାମରେ ମୁଁ ବାଣ୍ଟି ଯାଉଛି
ହିନ୍ଦୁ ପୁଣି ଉଚ୍ଚ ଜାତିର ଆସନ ପାଉଛି
ମୁଁ ପ୍ରତ୍ୟେକ ମୁହୂର୍ତ୍ତରେ
ଭୁଲିବାକୁ ଚାହୁଁଛି ଯେ ମୁଁ କିଏ
ତୁମେ ମୋତେ ବାରମ୍ବାର ମନେ ପକାଇ ଦଉ
ଛ
କେଉଁ ଏକ କଲେଜ ଫର୍ମ କିମ୍ବା ଚାକିରି ଫର୍ମ ରେ
ତୁମେ ମୋତେ general, obc, sc, st ରେ ବାଣ୍ଟି ଦେଇଛ
ମୋତେ ବାଣ୍ଟିବା ଆଗରୁ
ମୋତେ କଣ କେବେ ପଚାରିଛ
ମୋଠୁ କମ୍ ଯୋଗ୍ୟତା ଥିବା
କେଉଁ ସାଙ୍ଗ ଯେତେବେଳେ ଚାକିରି ପାଆନ୍ତି
ତୁମେ କଣ ବୁଝିବ ସେ କଷ୍ଟ
ମୁଁ ମୋ ପାଇଁ ସଂରକ୍ଷଣ ମଧ୍ୟ ଚାହେଁନା
ନିଜେ କିଛି କରିବାକୁ ଚାହେଁ
ହେଲେ ମୋତେ ମନେ ପକାଇ ଦିଏ ନାହିଁ ମୁଁ କିଏ
ମୁଁ ଚାଲିବାକୁ ଚାହେଁ
ତୁମେ ମୋର ଗୋଡ଼ ବାନ୍ଧୁଛ
ମୁଁ ଉଡିବାକୁ ଚାହେଁ
ତୁମେ ମୋର ପର କାଟୁଛ
ମୁଁ ହସିବାକୁ ଚାହେଁ
ତୁମେ ମୋତେ କନ୍ଦାଉଛ
ମୁଁ ଶାନ୍ତିରେ ନିଃଶ୍ୱାସ ଟିକେ ଚାହେଁ
ତୁମେ ମୋ ନାକ ଚିପି ଧରିଛ
ଏହାର ଅର୍ଥ କଣ ସ୍ଵାଧୀନତା
ମୁଁ କିଏ ଭୁଲିବାକୁ ଚାହେଁ
ତୁମେ ପ୍ରତ୍ୟେକ ମୁହୂର୍ତ୍ତରେ ମନେ ପକାଇ ଦେଉଛ
ଯାହା ହେଲା ଛାଡ଼
ଏବେ ମୁଁ ଚାହେଁ ଯେବେ ମୁଁ ମରିଯିବି
ମୋତେ ହିନ୍ଦୁ ଅନୁସାରେ ପଡ଼ିବନି
ମୁସଲିମ ଅନୁସାରେ ପୋତିବନି
ସେମିତି ଛାଡ଼ିଦେବ କେଉଁ ଏକ
ପଶୁର ଆହାର ହେବାକୁ ଦେବ
କଣ ମୋତେ ଏତିକି ଟିକେ ସ୍ଵାଧୀନତା ମିଳିବ???
