ଇଷ୍ଟଦେବୀ

ଜୀବନ ଯାତ୍ରାରେ ଇଷ୍ଟଦେବୀ ମୋର

ଗୃହେ ମୋର କୁଳ ଦେବୀ

ଜନନୀ ମୋହର ଆଦିଶକ୍ତି ମାଆ

ଗୃହେ ମୋର ଦୁର୍ଗା ଦେବୀ ।

ଅହର୍ନିଶି ନାମ ତାଙ୍କରି ଗାଉଛି

ବିପଦ ତାରିଣୀ ମାଆ

ବିପଦ ଭଞ୍ଜନୀ କଷ୍ଟ ନିବାରଣୀ

ଆଦି ଶକ୍ତି ମୋର ମାଆ ।

ପୂରଣ କରିବି ଗୃହର ଧର୍ମକୁ

ଶକ୍ତି ମୋରେ ଭରି ଦିଅ

ତୁମରି କରୁଣା ସିଞ୍ଚି ଦିଅ ମାଆ

ଗୃହରେ ଆନନ୍ଦ ଦିଅ ।

ଜୀବନ କର୍ତ୍ତବ୍ୟ ପୂରଣ କରିବି

ଏତିକି ମାଗୁଣି ମୋର

କର୍ତ୍ତବ୍ୟ ପଥରେ ମଙ୍ଗଳ କର ମା

ଗୃହ ଧର୍ମ ପୁରୁ ମୋର ।

ଶୁଭ ମଙ୍ଗଳରେ ଗୄହ ଭରି ଦିଅ

ଇଚ୍ଛା ମୋର ପୂର୍ଣ୍ଣ ହେଉ,

ସଙ୍ଖଧ୍ବନୁ ଆଉ ହୁଳହୁଳି ଶବ୍ଦ

ଆଶିର୍ବାଦ ତୋର ହେଉ ।

ଗୃହର କର୍ତ୍ତବ୍ୟ ପୂର୍ଣ୍ଣ କରିଦିଅ

କୁଳ ଦେବୀ ମାତା ତୁହି

କୁଳର ଜନନୀ ଇଷ୍ଟ ଦେବୀ ମୋର

ସର୍ବୋପରି ମାତା ତୁହି ।

ମଙ୍ଗଳମୟଟି ଗୃହକରି ଦେବେ

ମନବାଞା ପୂର୍ଣ୍ଣ ହେଉ

ଚିନ୍ତାମୟ ନୋହୁଁ ଜୀବନ ମୋହର

ଅଭିଳାଷା ପୂର୍ଣ୍ଣ ହେଉ ।

ଜୀବନ ଯାତ୍ରାରେ ଇଷ୍ଟଦେବୀ ମୋର

ଗୃହେ ମୋର କୁଳଦେବୀ

ଜନନୀ ମୋହର ଆଦିଶକ୍ତି ମାତା

ଗୃହେ ମୋର ଦୁର୍ଗା ଦେବୀ ।