ଲାଇବ୍ରେରୀ
ପ୍ରୋଫାଇଲ୍
ଇଶ୍ଵର ଚିନ୍ତନ
ଇଶ୍ଵର ଚିନ୍ତନ
1 min
320
ଇଶ୍ଵର ଚିନ୍ତନ କରି ନିତିଦିନ
ଦିନ ଟିଏ ଆରମ୍ଭିବା
କାର୍ଯ୍ୟର ଶେଷରେ ତାଙ୍କ ନାମ ସ୍ମରି
ଏହା ନିଶ୍ଚେ ସମର୍ପିବା।
ଯିଏ ଯେଉଁ ନାମେ ଡାକି ପାର ତାଙ୍କୁ
ପ୍ରଭୁ ପରା ସର୍ବନାମ
ମୁଖ ରଟୁଥାଉ ପ୍ରଭୁଙ୍କ ମହିମା
ହସ୍ତ କରୁଥଉ କର୍ମ।
ସାରା ଦିନଟିକୁ ଇଶ୍ଵର ସ୍ମରଣେ
କରିଦିଅ ପରିପୂର୍ଣ୍ଣ
ବଞ୍ଚିବା ସଂସାରେ ତାଙ୍କରି ନିମିତ୍ତ
ସେବା କାର୍ଯ୍ୟ ହେଉ ଧ୍ୟାନ।
ନିଜ ପ୍ରାର୍ଥନାରେ ନିଜ ପୁରୁଷାର୍ଥେ
ଭାଗ୍ୟ ହୁଅଇ ନିର୍ମାଣ
ସେ ପୁରୁଷୋତ୍ତମ ଜଗତର ନାଥ
ନିଶ୍ଚେ ଦେବେଟି ନିର୍ବାଣ।
ଆସ ଜଗନ୍ନାଥ ଆସ ବଳଭଦ୍ର
ଆସ ଦେବୀ ମା ସୁଭଦ୍ରା
ସୁଦର୍ଶନ ଦେବ ନିତି ଆସୁଥାଅ
ବନ୍ଧନକୁ କରି ବିଦା।
