ଈଶ୍ବରଙ୍କ ଅବତାର

ଅଜ୍ଞାନ ଅନ୍ଧାର ଦୂରକରି

ଜ୍ଞାନର ଆଲୋକ ଦେଲ ଭରି ।

ସତ୍ୟ, ଧର୍ମ, ତତ୍ତ୍ଵ, ଜ୍ଞାନ ଦେଇ

ମୋକ୍ଷ ମାର୍ଗ ଦେଇଛ ବତାଇ।

ବସୁମତୀ ସମ ହେବାପାଇଁ 

ସାଗର ପରି ଗମ୍ଭୀର ହୋଇ ।

କୃଷକର ଶ୍ରମ କରିବା ପାଇଁ 

ଦେଇଛ ପରା ମୋତେ ଶିଖାଇ ।

,ବିନମ୍ରତା, ଗୁଣ ଭରିଦେଇ

ରୂପ,ରସ,ଗନ୍ଧ ଦେଲ ଭରି ।

ଅର୍ଦ୍ଧ ପ୍ରସ୍ଫୁଟିତ କଢି ଥିଲି ମୁଁ

ସୁବାସିତ ପୁଷ୍ପ ତବ ସ୍ପର୍ଶ ପାଇ ।

ଯନ୍ତ୍ରଣା ଜର୍ଜରିତ ଜୀବନ ଯିଇଁ

ସୁଖ,ଶାନ୍ତି ଚାବି କାଠି ଧରାଇ ।

ଜୀଇଁ ବାର କଳା ଦେଇଛ ଶିଖାଇ 

ଉତ୍ତମ ଚରିତ୍ର ନିର୍ମାଣ କରାଇ ।

ନର ଦେହେ ତୁମେ ସାକ୍ଷାତ ଈଶ୍ବର 

ଏ ଜୀବନ ପରା ତୁମ ଉପହାର ।

ଈଶ୍ଵରଙ୍କର ବା କି ଗୁଣ ବର୍ଣ୍ଣିବି

ଗୁରୁ ଗୁଣ ଗାନ ସଦା କରୁଥିବି ।