Library
Profile
ଈଶ୍ୱରଙ୍କୁ କୋଟି ନମସ୍କାର
ଈଶ୍ୱରଙ୍କୁ କୋଟି ନମସ୍କାର
ଈଶ୍ୱର ହେ ଈଶ୍ୱର
ତୁମ ପଦ ତଳେ କୋଟି ଜୁହାର
ଏ ସାରା ସଂସାର ତୁମ ପରିବାର
ତୁମେ ତାଙ୍କ ପିତା ମାତା
କେଉଁ ବାଟେ ଗଲେ ପଥ ବଣା ହେଲେ
ସଜାଇବ ତୁମ ଚିନ୍ତା
ତୁମେତ,ସାରା ବିଶ୍ୱ ପିତା ମାତା
ତୁମ ପିଲା ଯଦି,ଉବାଟରେ ଗଲା,ତୁମେ ହିଁ ସାଇଜି କର ।
କରୋନା ପରିକା ନିର୍ମମ ଖଡିକା
ଶୀରେ ପ୍ରହାର ନ କର
ସଜ ଅସଜରେ ପ୍ରହାର ପଡିଲେ
ପ୍ରାଣୀ ଯାଏ ଯମପୁର
ପ୍ରଭୁହେ,ମନରେ ବିଚାର କର
ସୁମଧ
ୁର ବାଣୀ,ତୋଷି ଜନପ୍ରାଣୀ,ଭାବସିନ୍ଧୁ ପରିକର ।
ଅନ୍ତରର କଥା ହର ଭଵ ବ୍ୟଥା
ଏଣୁତ ଅନ୍ତରଜ୍ୟାମି
ସବୁ ଜାଣୁ ଜାଣୁ ସୃଷ୍ଟି କଲେ ସ୍ଥାଣୁ
ପ୍ରାଣୀଏ ଯିବେ ଭରମି
କାହାକୁ,ବୁଝେଇବ ସେ ବେଳର
ତୁମ ଆଙ୍ଗୁଠିରେ, ଦୃଷ୍ଟିନଷ୍ଟ ହେଲେ,କେ ବୋହିବ ଦୋଷଭାର ।
ଅନ୍ଧ ମଣିଷର ଦୃଷ୍ଟିଦିଅ ଥରେ
ନିଅ ଆଲୋକ ପଥରେ
ନ ହେଲେ ଦୁନିଆଁ ହେବ ଦି ଦିନିଆଁ
ଭାସିବେ ଅଶ୍ରୁ ବନ୍ୟାରେ
ତୁମେତ, ସକଳ ଅନ୍ତରେ ଥାଅ
ଶତବୁଦ୍ଧି ଦେଇ, ଶତ ଜ୍ଞାନ ଦେଇ,ସୁପଥକୁ ନେଇଯାଅ ।
