ଈଶ୍ୱରଙ୍କୁ ଖୋଜୁଛି

ଘରେ ଜଣେ ଅନ୍ଧାରରେ ବସିଛି

ମୁଁ ଆଲୁଅ ସନ୍ଧାନରେ ବାହାରିଛି

ଭୋକରେ ତା ପେଟ ଜଳି ଯାଉଛି

ମୁଁ ପୂର୍ଣ୍ଣ ପାତ୍ର ରେ କୁଆଡେ ବାହାରିଛି

ସେଠି ଦେହ ଝାଳରେ ଗମ୍ ଗମ୍ ହୋଇଯାଉଛି

ମୁଁ ଏଠି ଜଣକୁ କ୍ଷୀରରେ ଗାଧେଇ ଦଉଛି

ତାର ଛାତି ଫାଟି କୋହ କମୁନି

ଏଠି କେତେ ନଡ଼ିଆ ଫାଟୁଛି

ତାର ନେତ୍ର ଲୋତକ ପୂର୍ଣ୍ଣ

ମୁଁ ମନ୍ତ୍ର ଭାବରେ ସଂପୂର୍ଣ୍ଣ

ତାର ଲୁଗାପଟା କେତେ ମଇଳା

ବାଜେ ଦୁର୍ଗନ୍ଧ ଆସୁଛି

ମୁଁ ଫୁଲ,ଚନ୍ଦନ,ଧୂପ, ଧୁଣା ଦେଇ

ଭକ୍ତିରେ ମଜି ଯାଉଛି

ତାର ଜୀବନର ରଙ୍ଗ ଛଡେଇ

ମୁଁ ଲାଲଟେ ସିନ୍ଦୂର ଭରୁଛି

ସେଦିନେ ମୋ ପାଇଁ ଏମିତି କରିଥିଲା

ମୁଁ ମୋ ପିଲା ପାଇଁ କରୁଛି

ତା ଜୀବନରେ ଶାନ୍ତି ଛଡ଼ାଇ

ଏଠି ଓମ୍ ଶାନ୍ତି ଓମ୍ ଶାନ୍ତି ଜପୁଛି

ସେ ଜୀବନ୍ତ ମଡା ସାଜିଛି

ମୁଁ ପଥର ଭିତରେ ଖୋଜୁଛି

ଘରେ ଚଳନ୍ତି ଦେବତା ଅଛନ୍ତି

ମୁଁ ମନ୍ଦିର ଭିତରେ ଖୋଜୁଛି

ଭଗବାନ ତୁମେ କୋଉଠି

ତୁମକୁ କେତେ ମୁଁ ଖୋଜୁଛି

ହଁ,ସେ ଜୀବନ୍ତ ମଡା ସାଜିଛି

ମୁଁ ପଥର ଭିତରେ ଖୋଜୁଛି ।