ଇଏ କେମିତିକା ସମୟ

ଯେତେବେଳେ ଜୀବନଟା ଭାରୀ ଲାଗେ,

ସବୁ କିଛି ତୁଚ୍ଛ ମନେହୁଏ

ବଞ୍ଚିବା ଶୈଳୀ,ବନ୍ଧୁ ଆତ୍ମୀୟ ବାସସ୍ଥାନ ଏମିତିକି,

ଆଇନା ସାମ୍ନାରେ ନିଜ ଚେହେରାଟା ବି ବିରକ୍ତି ଲାଗେ।

ଏଇଟା କଣ ଜୀବନ,

ୟା'କୁ କଣ ଜୀଇଁବା କୁହାଯାଏ ?

କାର୍ଯ୍ୟ ତାଲିକା ବଦଳରେ

ଖାଇବା ତାଲିକାରେ ଦିନର

ଆରମ୍ଭ ଆଉ ଶେଷ ହୁଏ ।

ପ୍ରତ୍ୟେକ ମଣିଷ ଆଜି ଭୀତତ୍ରସ୍ତ

ସବୁଠି ଖାଁ ଖାଁ

ନିରବତାର ପ୍ରତିଧ୍ୱନୀ

ଏଠି ଆଉ ସ୍ନେହ ଶ୍ରଦ୍ଧାର ବନ୍ଧନ ନାହିଁ

ପଡିଛି ଦୂରତ୍ୱର ଲକ୍ଷ୍ମଣ ରେଖା

ଭୟ ଲାଗେ ଦୂରେଇ ଗଲେ

ସମୟ କ୍ରମେ ଆପଣାର ଲୋକ

ପାଶୋରି ହେଇଯିବେନି ତ ?