ଇଛା ହୁଏ ଥରେ

ଇଛାହୁଏ ଥରେ ଫେରି ଯିବା ପାଇଁ

   ସେଇ ଅତୀତ ଦିନକୁ

ତୁମ ପାଖେ ବସି ତୁମ କୋଲେ ସୋଇ

  ଭୁଲିବାକୁ ସବୁ ଦୁଃଖକୁ ll

ପଦେ ପଦେ ତୁମ ବାତ୍ସଲ୍ୟ ଗାଳିକୁ

   ଶୁଣିବାକୁ ମୋର କର୍ଣ୍ଣ 

ଅଝଟ ହୋଇ କଥା ନ ମାନି

   ମାଡ଼ ଖାଇବାକୁ ମନ ll

   

ସବୁ ଦୁଃଖ ସୁଖ ବଖାଣିବାକୁ 

   ବସି ଦୁହେଁ ଏକାନ୍ତରେ

ବାନ୍ଧି ଦେଵ ପୁଣି ତୁମ ମମତାର

  ବାତ୍ସଲ୍ୟ ବନ୍ଧନ ଡୋରେ ll

   

କରୁଥିବି ଅଳି ହେଇ ତୁମ ଗେଲ୍ଲୀ

   ଆଣିଦିଅ ମତେ ଚାନ୍ଦ 

ଚାନ୍ଦକୁ ଦେଖେଇ କହୁଥିବୁ ମତେ

  ଧନ ଲୋ ମୋର ନ କାନ୍ଦ ll

   

ଆସିଯିବ ଯେବେ ଫେରିଵାଲାଟିଏ

    ଲାଗିଯିବ ଲମ୍ବା ଧାଡି

ଯାହା ମୁଁ ଚାହିଁବି ସବୁ କିଣି ଦେବୁ

   ଦେବୁ ମୋ ପାଖେ ଅଜାଡ଼ି ll

   

ହୋଇଲେ ରଜନୀ ବସିବି ମୁଁ ତୁନି

   ପଢ଼େଇ ଦେବୁ ଲୋ ପାଠ

ସେହି ତୋର ପାଠ ପଢ଼ା ପ୍ରଭାବଟା

   ଦେଖେଇବ ମତେ ବାଟ ll