ଜଙ୍ଗଲ
ଜଙ୍ଗଲ
ଅନେକ ଗଛରୁ ସୃଷ୍ଟି ହୋଇଅଛି
ସୁନ୍ଦର ସବୁଜ ଜଙ୍ଗଲ
ଗୋଟିଏ ଗଛରୁ କୋଟିଏ ଲୋକଙ୍କ
ହେଉଅଛି ସଦା ମଙ୍ଗଳ l
ଜଙ୍ଗଲ ପାଇଁ ତ ବଞ୍ଚି ରହିଅଛେ
ବଞ୍ଚିଅଛି ଆମ ଜୀବନ,
ସେହି ଜଙ୍ଗଲକୁ ନଷ୍ଟ ନ କରିବା
କରିବା ତାହାରି ଯତନ l
ମିଳୁଛି ଜଙ୍ଗଲୁ କାଠ, ମହୁ, ଝୁଣା
ମହୁଲ ତେନ୍ତୁଳି ଚାହାର
ଅମୂଲ୍ୟ ସମ୍ପଦେ ଭରିଛି ବନାନୀ
ଦେଉଛି ସୁସ୍ୱାଦୁ ଆହାର l
ଦେଉଛି ଆମକୁ ନିର୍ମଳ ପବନ
କର ନାହିଁ ଜଙ୍ଗଲ ନଷ୍ଟ,
ସବୁ ସହି ସିଏ ତଥାପି ବଞ୍ଚିଛି
ଦିଅ ନା ତାହାକୁ କଷ୍ଟ l
ଅମ୍ଳଜାନ ଛାଡେ ପ୍ରାଣିଜନ ହିତେ
ଅଙ୍ଗାରକାମ୍ଳରେ ଜୀବିତ,
ଜଙ୍ଗଲ ନଷ୍ଟରେ ଦୁନିଆଁ ଅନ୍ଧାର
ମୃତ୍ୟୁର ମୁଖରେ ଜଗତ l
ଭାବୁ ଆମେ ଯାହା ଦରକାରୀ ବୋଲି
ସବୁ ମିଳିଯାଏ ସେଇଠି,
ଦରକାର ବେଳେ କେମିତି ପାଇବା
ନ ରଖିଲେ ସବୁ ସାଇତି l
ଗଛ କଟା ପାଇଁ କର୍ମ ଫଟା ହେବ
ମରୁଡି ଆସିବ ମାଡ଼ି,
ବରଷା ଋତୁର ନ ହୋଇବ ଦେଖା
ବସୁଧାରୁ ଯିବ ଛାଡ଼ି l
ସଜାଗ ହୋଇଲେ ଏବେ ଠାରୁ ସିନା
ଦୁର୍ଦିନ ଆସିବ ନାହିଁ,
ଜଙ୍ଗଲ ସୁରକ୍ଷା ଜୀବନ ରକ୍ଷା
ମହତ ଏ ବାଣୀ ଶୁଣାଇ l