ଇଚ୍ଛା କରେ ବୁଲିବାକୁ

ଇଚ୍ଛା କରେ ମୁହିଁ ବୁଲିବାକୁ ସେହି

ମର୍ତ୍ତ୍ୟ ବୈକୁଣ୍ଠ ପୁରରେ ।

ଚାଲିବାକୁ ଇଚ୍ଛା ମୋର ଖାଲି ପାଦେ

ଜାଗାର ବଡ଼ ଦାଣ୍ଡରେ ।।୧

ବୁଲୁ ବୁଲୁ ଯେବେ ଥକି ପଡେ ମୁହିଁ

ବସେ କଳ୍ପବଟ ମୂଳେ ।

ସ୍ନାନ କରେ ଯାଇ ପାପ ଧୌତ ପାଇଁ

ମହୋଦଧି ପୁଣ୍ୟ ଜଳେ ।।୨

ଭୋକ ଲାଗେ ଯେବେ ଯାଏ ଶ୍ରୀ ମା ପାଶେ

ଦିଏ ମା ମୋତେ ଆହାର ।

ଆନନ୍ଦ ବଜାରେ ଅବଢ଼ା ପତରେ

ପେଟ ଭରିଯାଏ ମୋର ।।୩

ସଦା ବୁଲିବାକୁ ଇଛା ହୁଏ ମୋର

ସେହି ଗୋଟେ ତୀର୍ଥ ଜାଗା ।

ଦେଖିବାକୁ ଇଚ୍ଛା ବଳିଆ ସୁଭଦ୍ରା

ଦେଖିଲେ କୋଳାଏ ଜଗା ।।୪

ବାହୁ ଯେ ମେଲେଇ ବସିଛି ଅନେଇ

ଜଗତବାସିଙ୍କୁ ସଦା ।

ଭଲ ଲାଗେ ମୋତେ ଓଡ଼ିଆ ପୁଅ ସେ

ଲାଗେ ଭଲ ତାକୁ ସଦା ।।୫