ଇଚ୍ଛା ହୁଏ

ଇଚ୍ଛା ହୁଏ କେବେ ଫୁଲ ଟିଏ ହୋଇ

ହସିବାକୁ ଖିଲି ଖିଲି

ଯୁବାଠୁ ଥବୀର ଯାଏଁ ମନ ଜିଣୁଥିବି

ଲାଗିବି ଦେବତାଙ୍କ ମସ୍ତକେ ହୋଇ ମାଳତୀ ମଲ୍ଲୀ !

ଇଚ୍ଛା ହୁଏ ଥରେ ମେଘ ଟୋପାଟିଏ ହୋଇ

ବର୍ଷାର ଧାରାରେ ପୃଥିବୀ କୁ ଯିବି ଛୁଇଁ

ସେ  ଟୋପା ପାଣିରେ ଅମୃତ ସାଜି

ଜନ ଜଗତର ତୃଷା ନିବାରିବା ପାଇଁ  ।

ଇଚ୍ଛା ହୁଏ ଦିନେ ଗଛ ଟିଏ ହୋଇ

ଦେବାକୁ ସଭିଙ୍କୁ ଛାଇ

ଫଳ ଫୁଲକୁ ଦେଇ ପ୍ରାଣୀଙ୍କୁ

ମନ ହରୁଥିବି ନିତି ତାଙ୍କରି  ।

ଇଚ୍ଛା ହୁଏ ନିତି ସକାଳେ ହେବା ପାଇଁ ସବିତା

ସମଦର୍ଶିନୀ ଗୁଣରେ ମୋହରି

ଆଲୋକ କରିବି ଏ ସାରା ଦୁନିଆ  ।

ଆଜି ପୁଣି ଇଚ୍ଛା ହୁଏ ଭିଜିବାକୁ ପ୍ରେମର ଶ୍ରାବଣରେ

ଅନୁଭବ କରିବାକୁ ପ୍ରେମର ଫଗୁଣ

ନିତି ସପନରେ ସାଥୀ ଟିଏ ହୋଇ ଆସିବାକୁ କାହା ଭାବନାରେ  ?