ବସନ୍ତ ପବନେ ଲୁହ ମୋ ନୟନେ

ବସନ୍ତ ଛୁଇଁଲା ଆଜି ମଧୁବନେ

ରାଧାରାଣୀ ଦେଖେ ସପନ

କାହାନ୍ତି ମୋ କାନ୍ତ ଶ୍ରୀ ମୁରଲୀଧର

ତାଙ୍କ ପାଇଁ ଆଜି ମୋ ମନ ଅଧୀର

ବସନ୍ତ ପବନ ପରଶ ପାଇ

ଶିହରିତ ସାରା ତନୁ ମନ

କାନ୍ତ ହେ ମୋର ପ୍ରାଣର ପ୍ରିୟ

ସମର୍ପିତ ତୁମ ଚରଣେ ମୋ ଜୀବନ

ଆହେ ନଟଖଟିଆ ଯଶୋଦା ରତନ

ଶ୍ରୀ ଅଙ୍ଗେ ଢାଳିବି ମୋ ପରାଣ

ବସନ୍ତ ଆଶିଣ ଭରିଦେଲା ପ୍ରେମ

ମଳୟ ସ୍ପର୍ଶରେ ମନେ ଭରେ କାମ

ପୁଲକିତ କରି ମୋ ଜୀବନ

ବସନ୍ତ ଭରିଲା ପ୍ରେମ ପବନ

ମନ୍ଦ ମନ୍ଦ ଚାଲିରେ ତୁମର

ଚାହାଣିରେ ଯେହ୍ନେ କାମଶର

ଜୀବନକୁ କଲ ଛାରଖାର

ପ୍ରୀତି ମୋର ତୁମେ ଚୋରେଇ ନେଲ

ପାଗେଳୀ ପ୍ରାୟ ମୁଁ ହୁଏ କଲବଲ

ଝୁରି ମୋର ତନୁ ହେଲାଣି କ୍ଷୀଣ

ହେ କୃଷ୍ଣ ଦିଅ ତୁମେ ମତେ ଶରଣ

ବସନ୍ତ ପବନେ ଲୁହ ମୋ ନୟନେ

ଚାହିଁ ଚାହିଁ ତୁମକୁ ଦିବାନିଶି ପ୍ରତିକ୍ଷଣେ ||