ହତ୍ୟା

ଗଣତନ୍ତ୍ର ଆଜି ଷଡଯନ୍ତ୍ର ସାଜି

   ହଜାଇ ମାନବିକତା

ଜନଙ୍କ ସେବାରେ ଜନ ଯୋଜନାରେ

    ସବୁଠାରେ ଚଞ୍ଚକତା ll

ସତ୍ୟ ଧର୍ମ  ଆଜି  ଖଛ ମିଛେ ମଜି

     ଭ୍ରଷ୍ଟାଚାରେ ପ୍ରଂଶସିତ

ଅଯୋଗ୍ୟ ହାକିମ ଯୋଗ୍ୟ ନିଏ ନାମ

     ପ୍ରତିଭାର କରେ ଅନ୍ତ ll

ଶାସନ ରହିତ ଶିକ୍ଷା କବଳିତ

    ମୂର୍ଖ ହୁଏ ସମ୍ମାନିତ

ଠକ ଭୀରୁ ଶଠ ଉତ୍ସାହେ ଗର୍ବିତ

    ଶୃଙ୍ଖଳାର ହୁଏ ମୃତ ll

ଲୁଣ୍ଠନେ ଜନତା ବଢେ ଅହମିକା

    ନାଶ ହୁଏ ଭାତୃତ୍ୱର 

ସାଧୁତା ବିହୀନ କର୍ତ୍ତବ୍ୟରେ ମନ

     ହତ୍ୟାକାରୀ ସମାଜର ll

ଅନ୍ୟାୟ ଅନୀତି ଅସୂୟା ପ୍ରକୃତି

    ନ୍ୟାୟର ଧରିଛି ବେକ

ସ୍ୱାର୍ଥପର ଏଠି  ସେବକ ସାଜିଛି

    ହରାଇଛି ନିଜ ଭେକ ll

ଭେଦ ଅସଙ୍ଗତି  କୁସଙ୍ଗ କୁନୀତି

    ନିଶା ପ୍ରୀତି ରାଜନୀତି

ଗୋଷ୍ଠୀ ଭାଷା ଜାତି ବିଭାଜ୍ୟରେ ମାତି

    ବିନାଶୁଛି ଦେଶପ୍ରୀତି ll

ବାଡ଼ ଖାଏ କ୍ଷେତ  ଫସଲ ଅକ୍ଷେତ

    ସମ୍ଭବ ନୋହିବ କେବେ

ଏଠାରେ ରକ୍ଷକ ସାଜିଛି ଭକ୍ଷକ

    ସହୁଛେ ଆମେ ନୀରବେ ll

ଟଙ୍କା ମୋହେ ମାତି ପ୍ରେମକୁ ଆହୁତି

    ହତ୍ୟାକରୁ ସଭ୍ୟତାକୁ

ଗୁରୁଜନେ ଭକ୍ତି  ଲଘୁଜନେ ପ୍ରୀତି

    ନାହିଁ ଇଛା ସଂସ୍କୃତିକୁ ll

ହତ୍ୟା ଚୋରି ନାରୀ  ମନରେ ସବୁରୀ

    ଘୃଣା ଭାବ ଥାଉ ଭରି

ଅସଲ କାରଣ  ନୋହିଲେ ବାରଣ

      ବଢ଼ିବେ ଯେ ହତ୍ୟାକାରୀ ll

କ୍ରୋଧ ହିଂସା ଈର୍ଷା ପ୍ରତିଶୋଧ ନିଶା

    ଲୋଭ ସମ୍ପତ୍ତି କାମନା

ଅନର୍ଥ ରେ ମନ  ହତ୍ୟାର କାରଣ 

     ଅଜ୍ଞାନୀ ମନ ଭାବନା ll