ହଟିଆ କଳାକାହ୍ନୁ

କାହିଁକି ତୋ ରଙ୍ଗ କାଳିଆ ହେଲାରେ

ସତରେ ତୁ ନୋହୁଁ କଳା

କଳାଦେହ ତୋର କୋଟି ବ୍ରହ୍ମାଣ୍ଡର

ସୁନ୍ଦର ପଣରେ ଭରା I

ଚଉଦ ଭୁବନ ତୋ ଭିତରେ ଅଛି

ପାରନ୍ତିନି କେହି ବୁଝି

ମିଛରେ ବାଇଆ ହୁଅନ୍ତିରେ ସର୍ବେ

ହେଉଥାନ୍ତି ତୋତେ ଖୋଜି I

ସକଳ ଘଟରେ ରହିଛୁ କାଳିଆ

ନିଜେ କୃଷ୍ଣ ନିଜେ ରାଧା

ତୋ ବଇଁଶୀ ସ୍ୱରେ ଉଚ୍ଚାଟ କରି ରେ

କାଟୁଛୁ ସଂସାର ବାଧା I

କିଏକୁହେ ତୋତେ ଲବଣୀ ରଙ୍କୁଣା

ଗୋପୀଙ୍କର ମନ ଚୋର

ଲବଣୀ ଲୋଭରେ ସାଙ୍ଗସାଥି ମେଳେ

ବୁଲୁଥାଉ ଘର ଘର I

ମାୟାର ଅଞ୍ଜନ ସଭିଙ୍କ ଆଖିରେ

ଦେଇଥିଲୁ ବୋଲି ବୋଳି

ସାଧାରଣ ପିଲା ଭାବି ତୋ ସହିତ 

ଖେଳୁଥିଲେ ଲୁଚକାଳି I

ସବୁ ମାୟା କାଟି ଦେ'ରେ କାଳିଆ

ଦେଖା ଏବେ ତୋର ଶକ୍ତି

ପ୍ରେମାପ୍ଳୁତ କର ସଭିଙ୍କ ଅନ୍ତର

ତୋ ପାଦରେ ରହୁ ମତି I