ହରିହର

ନମୋ ନମୋ ହରି-ହର ଏକ ଆତ୍ମା

  ଆହେ ଅଭିନ୍ନ ସ୍ଵରୁପ,

ନମସ୍ତେ ନମସ୍ତେ ପ୍ରଭୁ ହରିହର

  ନାଶ ସଂସାରର ତାପ ॥

ନମୋନମୋ ହରିହର ବିଶ୍ଵପିତା

  ଅଭୟ ବରଦାୟକ,

ନମସ୍ତେ ନମସ୍ତେ ହରିହର ସ୍ୱାମୀ

  ହେ ପ୍ରଭୂ ବିଶ୍ଵବ୍ୟାପକ ॥

ହରି ଅଟତୁମ୍ଭେ ଶରଣରକ୍ଷଣ

  ଜଗତ ପାଳନ କର୍ତ୍ତା,

ହର ରୁପେ ତୁମ୍ଭେ ସୃଷ୍ଟି ସଂହାରଣ

 କରିଥାଅ ବିଶ୍ଵ ପିତା॥

ନାଭି କମଳରୁ ପଦ୍ମକଳ ଯାତ

    ପଦ୍ମରୁ ପଦ୍ମଯୋନୀଙ୍କୁ,

ପଦ୍ମଯୋନୀ ନାଶା ରନ୍ଧ୍ରୁ ଜନ୍ମଦେଲ

  ତୁମ୍ଭେ ହେ ଭୋଳାନାଥଙ୍କୁ ॥

ସ୍ଵୟଂଅଟ ଅଂଶୀ ହର ତୁମ୍ଭ ଅଂଶ

  ପ୍ରଭୁ ତୁମ୍ଭେ ମୂଳାଧାର ,

ସୃଷ୍ଟି ହର୍ତ୍ତା-କର୍ତ୍ତା, ଭାଗ୍ୟର ବିଧାତା

  ଦୟାମୟ ହରିହର ॥

ହରିହର ଦୁଇ ମୂର୍ତ୍ତୀ ଏକ ଅଟ

   ଏହା ଯେ ଜାଣିନପାରେ ,

ହରିଙ୍କୁ ପୂଜିଯେ ହରଙ୍କୁ ନପୂଜେ

  ପାପୀ ହୁଏ ଗଣନାରେ॥

ତବ ଶ୍ରୀଚରଣ ଯୁଗଳପାଦରେ

  ଚିତ୍ତ-ମତ୍ତି ସଦା ରହୁ,

ଶ୍ରୀହରିହରଙ୍କ ନାମ ଗାଇ ଗାଇ

  ଏ ଜୀବନ ଚାଲିଯାଉ ॥