ହୃଦୟର ପରିଭାଷା

କୃଷକ ଶ୍ରମିକ ଯେତେ ମୋ ଦେଶର, ଖଟନ୍ତି

କୋଡି ଓ କୋଦାଳ ସାହାଯ୍ୟ ନେଇ

ଦିନରାତି ହାଡଭଂଗା ପରିଶ୍ରମ କରି ମଧ୍ୟ କାଟନ୍ତି

ଜୀବନ ଉପାସିଆ ହୋଇ ।

ଛୁଆ ଦିନେ, ତାଂକ ଆଖିରୁ ଝରୁଥିବା ଅଶ୍ରୁରେ ମୋ 

ଅଶ୍ରୁ ସେଦିନ ମିଶି ଯାଇଥିଲା

ତାଂକ ଉପରେ ହେଉଥିବା ଅନ୍ୟାୟ ମୋ ହୃଦୟରେ 

ଅନେକ କ୍ଷତ ସୃଷ୍ଟି କରିଥିଲା ।

ମନକୁ ମନ ଅନେକ ପ୍ରଶ୍ନ କରିଥିଲି ସେ ତ କର୍ମ 

କରି ଚାଲିଛନ୍ତି ଅବିରାମ ଭାବରେ

ତେବେବି ସମାନଂକୁ ଭୋକର ଯନ୍ତ୍ରଣା ତାଂକୁ ମିଳୁଛି 

କାହିଁକି ଏ ସମାଜ ଭିତରେ ।

ମୁହଁରେ ମୋର ଝରି ଯାଇଥିଲା ଭାବନା ମିଶା 

ସ୍ନେହର ଶବ୍ଦ ଜୀଞାସାର

ବଡ ହେଲି, କାର୍ଲ ମାର୍କ୍ସଂକ ଅର୍ଥନୀତି ବହି ଦାସ୍ 

କ୍ୟାପିଟାଲ ଭିତରେ ତାର ଉତ୍ତର ।

ହେଲି ଏ ସମାଜରେ ଓକିଲ, ଭାବିଲି ଦେଇ 

ପାରିବି ସାହାଯ୍ୟ ଆଇନର ଗଡା ଭିତରେ

ବିଫଳ ହୋଇଛି, ଏକାନ୍ତେ ହସୁଥିବା ଏ ଜୀବନଟା, 

ଚିତ୍କାର କରି କହେ ଆବିଳତା ଶୂନ୍ୟ ମନରେ ।