ହୃଦ ମନ୍ଦିରର ଦେବୀ

ସୂର୍ଯ୍ୟ ଚନ୍ଦ୍ର ଯହିଁ ସତ୍ୟ ନିରନ୍ତର 

   ସେ ସ୍ଥାନେ ପିତାମାତା ଦେବତା ଯେ ମୋର ।

ଏନ୍ତୁଡ଼ିଶାଳ ରୁ ମଶାଣି ଯୁଇ

   ତା ବିନା ନିଜର ନୁହଇ କେହି ।

ଦଶ ମାସ ଦଶ ଦିନ ଗର୍ଭରେ ଧରି

  ବହୁ ପ୍ରତିକ୍ଷିତ ପ୍ରତୀକ୍ଷା ଗଲା ସେ ସରି । 

ଅସହ୍ୟ ଯନ୍ତ୍ରଣା ହସି ହସି ସହି

  ତା କୋଳେ ସେ ନେଲା କୋଳେଇ ।

ଅଳି, ଅର୍ଦ୍ଦଳି ଅଝଟ ସହି

   ବାଟ ଚଲେଇଲା ହାତ ମୋ ଧରି ।

ଗଙ୍ଗା, ଯମୁନା ତ୍ୟାଗର ମୂର୍ତ୍ତିମତ ବିଗ୍ରହ ସାଜି

   ସବୁ ରାତି ତାର ଯାଏ ଲୁହ ରେ ଭିଜି ।

ସୁଖର ଅମୃତକୁ ଦିଏ ପିଏଇ

  ଦୁଃଖର କୋଳାହଳ କୁ ନିଏ ସେ ଢୋକି ।

ଅନ୍ଧାରୀ ମୁଲକ ରୁ ଆଣେ ସେ ଟାଣି 

   ଶିଖାଏ ସେ ପୁଣି ରାଜାପୁଅ ଠାଣି ।

ସବୁ କଷ୍ଟ, ଯନ୍ତ୍ରଣା ଯାଏ ତ ଡରି 

   ଘୋଡେଇ ଦିଏ ଯେବେ ସେ ପଣତ କାନି ।

ହୃଦ ମନ୍ଦିରରେ ସାଜି ତୁମେ ଦେବୀ

   ସଦା ପୂଜା ପାଇବଟି ।

ତୁମ ପାଇଁ ଜନମିଛି, ତୁମରି କୋଳ ରେ

  ସରଗର ସୁଖ ଆଣି ଢାଳି ଦେବି ତୁମ ଦୁଇ ପୟ ରେ । ।