ହୋଟେଲ ଖାଦ୍ୟ

ବଜାରରେ ଯେଉଁ ପରିବାଗୁଡିକୁ

କିଣନ୍ତିନି ଜମା କେହି

ସେହି ପରିବାକୁ ହୋଟେଲବାଲାଏ

ଆଣନ୍ତି ଖୁସିରେ ବୋହି ।।

ପୋକଡା ଶୁକୁଟା ବାସି ପରିବାକୁ

ପାଇକି ବହୁତ ଶସ୍ତା

ସବା ଶେଷେ ଯାଇ ଆଣନ୍ତି ସେମାନେ

ଧରିକି ସିମେଣ୍ଟ ବସ୍ତା ।।

ପରିବା ସେମାନେ ଧୁଅନ୍ତି କି ନାହିଁ

ସେକଥା ପ୍ରଭୁଙ୍କୁ ଜଣା

କାଟକୁଟି କରି ରୋଷେଇ କରନ୍ତି

ନଦେଖି ପୋକଡା କଣା ।।

ଯଦିଓ ସମସ୍ତେ ଏଭଳି ନୁହଁନ୍ତି

କିଛିଟା ଅଛନ୍ତି ସତ

ଯିଏକି ଏଭଳି ଖାଇବା ଦ୍ରବ୍ୟରେ

କରନ୍ତି କାମ କୁତ୍ସିତ ।।