ହାଡ଼ି ରାଣୀ

 ରାଜସ୍ଥାନର ହାଡ଼ା ଶାସକଙ୍କ

  ପୁତ୍ରୀ ଥିଲେ ହାଡ଼ିରାଣୀ

 ସାଲୁମ୍ବର ରାଜା ଚୁଡାୱତଙ୍କର

  ସାଜିଥିଲେ ପାଟରାଣୀ ।୧।

 ହାଡ଼ିରାଣୀଙ୍କର ବିବାହକୁ ମାତ୍ର

  ହୋଇଥାଏ ସାତ ଦିନ

 ସନ୍ଦେଶ ଆସିଲା ସୀମାରେ ଶତ୍ରୁଙ୍କ

  ହୋଇଲାଣି ଆକ୍ରମଣ ।୨।

 ଯୁଦ୍ଧ ପାଇଁ ତେଣୁ ବାହାରିଲେ ରାଜା

  ଧରି ଦଳବଳ ସୈନ୍ୟ

 ରାଜଙ୍କର କିନ୍ତୁ ଯୁଦ୍ଧରେ କଦାପି

  ଲାଗୁ ହିଁ ନଥାଏ ମନ ।୩।

 ମନ ଥାଏ ତାଙ୍କ ରାଣୀଙ୍କ ପାଖରେ

  ଯୁଦ୍ଧରେ ନଥାଏ ଧ୍ୟାନ

 ରାଣୀଙ

Advertisement

୍କ ପାଖକୁ ପତ୍ର ଲେଖି ରାଜା

  ପଠାଇଲେ ଏକ ସୈନ୍ୟ ।୪।

 ଯୁଦ୍ଧ ବେଳେ ରାଜା କର୍ତ୍ତବ୍ୟ ଭୁଲିଲେ

  ରାଜ୍ୟ ଯିବେ ନିଶ୍ଚେ ହାରି

 ରାଣୀ ଚିନ୍ତା କଲେ କେମିତି ରାଜାଙ୍କ

  ପତ୍ନୀ ମୋହ ଦେବେ ମାରି ।୫।

 ବିଜୟ ପଥରେ ଚୁଡାୱତଙ୍କୁ ସେ

  ପ୍ରେରିତ କରିବା ପାଇଁ

 ସୈନ୍ୟ ହାତରେ ଧରାଇ ଦେଲେ ସେ

  ନିଜ ମୁଣ୍ଡ କାଟି ଦେଇ ।୬।

 ରାଣୀଙ୍କର ଏହି ବଳିଦାନ ଦେଖି

  ରାଜା ହେଲେ ସ୍ତମ୍ଭିଭୁତ

 ଶେଷରେ ଶତ୍ରୁଙ୍କୁ ଘଉଡାଇଥିଲେ

  କରିଦେଇ ପରାଜିତ ।୭।