ହଁ ନା'ର ଏ ମିଛ ସମ୍ପର୍କ
ହଁ ନା'ର ଏ ମିଛ ସମ୍ପର୍କ
ଅଳିକ ସଂସାର ସପନ ମଧୁର
ତର୍କ ବିତର୍କରେ ତୋଳନ୍ତି ଘର
କେତେ ସଫଳତା କେତେ ବିଫଳତା
ବୁଝି ପାରିଥାଏ ପ୍ରତି ଅନ୍ତର
ସପନଟା ସବୁବେଳେ କ୍ଷଣିକ
ସୁଖଦୁଃଖ ଦୁଇ ଜୀବନେ ଭରଇ
ହଁ ନାର ଏ ମିଛ ସମ୍ପର୍କ ।
ତଥାପି ମଣିଷ ସମ୍ପର୍କେ ବିବଶ
ହୋଇ ବି ଚଳଇ ଜୀବନଯାକ
ଚେତନ ଭାବରେ ଜନମ ମହୀରେ
ସମ୍ପର୍କ ତା' ପାଇଁ ଅତ୍ୟାବଶ୍ୟକ
ଏଥିରୁ କେହି ବି ନୁହେଁ ଅଲଗା
ସଭିଏଁ ନିଜର ବିଚାରବୋଧରେ
ଆନ ହୃଦୟରେ ତିଆରି ଜାଗା ।
ସଂସାରଟା ମିଛ ସମ୍ପର୍କ ବି ମିଛ
ସତ ହିଁ କେବଳ ସୁକର୍ମମାନ
ଆନ୍ଦୋଳିତ ମନ ହୋଇ ସାବଧାନ
ସରବଦା ହୁଅଇ ଧାବମାନ
ତା' ଭିତରୁ ଖୁସି ଫୁଲକୁ ତୋଳି
ଜୀବନ ଜୀବିକା ସାଥିରେ ଜୀଅଁଇ
ତଥାପି ସମ୍ପର୍କ ଚନ୍ଦନ ବୋଳି ।