ହଜିଲା ଅତୀତ
ହଜିଲା ଅତୀତ
ହଜିଲା ଅତୀତ ସମୟ ସ୍ରୋତରେ
ତମକୁ ବାହୁନେ ଆଜି
ମୋତେ ଭୂଲି କେଉଁ ରାଜକୁମାରକୁ
ହୋଇଗଲ ତମେ ରାଜି
ଦଣ୍ଡେ ନ ଦେଖିଲେ ବସି କାନ୍ଦୁଥିଲ
ଆଖିରୁ ନିଦ ହଜାଇ
ବର୍ଷ କେଇଟା ମୁଁ ବିଦେଶକୁ ଗଲି
ମନକୁ ଦେଲୁ ଭୂଲାଇ
ବାଲି ଘର ତୋଳି ବୋହୂ ଖେଳୁ ଥିଲୁ
ହାତକୁ ମୋ ଟାଣି ଧରି
ଆଜି ସେହି ହାତ କିଏ ଧରି ନେଲା
ସମ୍ପର୍କକୁ ଦୂର କରି
କାଠର କଣ୍ଡେଇ ଧରି ଖେଳୁଥିଲେ
ସାଜୁଥିଲୁ କନ୍ୟା ମାତା
ଯଉତୁକ ଦେଇ ପାରିବୁନି ବୋଲି
ନରମି କହୁ ତୁ କଥା
ପିଲା ଦିନୁ ତୋତେ ଚିହ୍ନି ପାରିଲିନି
ଭୂଲ ରହିଗଲା ମୋର
ସେଥି ପାଇଁ ଆଜି ମୋ ଭଙ୍ଗା ହୃଦୟେ
ଟାଣି ଦେଲୁ ଗୋଟେ ଗାର
ଜୀବନ ମରୁରେ କେବେ ଅମା ରାତି
କେବେ ପୁନେଇର ଚାନ୍ଦ
ତୋ ଜୀବନ ସୁଖ ସମ୍ପଦରେ ଭରା
ମୋ କପାଳ ଆଜି ମନ୍ଦ