ହଜାଉଛେ, ଯେହେତୁ ରହୁଛେ ଶୋଇ
ହଜାଉଛେ, ଯେହେତୁ ରହୁଛେ ଶୋଇ
ଜାଣି ପାରୁନ କି କିପରି ଆଖି ଅଛି ନେତାର
ନିର୍ବାଚନର କୁଣ୍ଡରେ,
ଗାଦି ପାଇଁ, ପଦ ପାଇଁ, ଭୋକ ଯେନ ତେନ
ଉପାୟରେ ଜିତିବାରେ |୧|
ଜଣା ନାହିଁ କି, ନିର୍ବାଚନରେ ହୁଏ କେତେ
ଅକୀର୍ତ୍ତିର କଳାଚିଠା
କେତେ କଷ୍ଟ, ମାପ କରିବା ଅନ୍ୟାୟୀର ସମର
ସଜାର ଗଭୀରତା |୨|
ଉତ୍ତର ପୀଢ଼ି ପାଇଁ ଏପରି ଛଳନାତ୍ମକ ବା
ହିପୋକ୍ରେଟିକ୍ କାର୍ଯ୍ୟକ୍ରମ ଆଜ
ନୁହେଁ କି କଷ୍ଟକାରକ ସମାଜ ଗଠନରେ, ପୁଣି
ଚିତ୍କାର କର ଗଠନ କରିବ ରାମରାଜ୍ୟ |୩|
କଳେ ବଳେ ଅବା କୌଶଳେ ଓ ଛଳନାରେ
ଉଭୀ ବାଜି ଜିତିବାର କପଟପଶାରେ
ସୁରା ସାକି ସାମ୍ରାଜ୍ଯ ଉପରେ, ମିଛ ମୁଖା ପିନ୍ଧି
ଜଣେ ଜଣେ ରଥୀ ରଣାଙ୍ଗନରେ |୪|
ପ୍ରକୃତିଦତ୍ତ ପଦାର୍ଥ ଉପରେ ସମସ୍ତଂକର ରହିଛି
ଉପଭୋଗ କରିବାର ଅଧିକାର
ବଡ ବଡ ଭାଷଣ, ପୁସ୍ତକ ଗତ ଉପଦେଶ ଦେଇ,
କରି ପାରିବକି ତାର ସଂସ୍କାର |୫|
ଆମେ ନିଜ ନିଜ ଦାୟିତ୍ୱରୁ ଦୂରେଇ, କିସ
ମିଳିବ ପାଶ୍ଚାତ୍ୟ ଦେଶକୁ ଦୋଷ ଦେଇ
ଜଳ ଜମି ଜଙ୍ଗଲ ବା ସାରା ଖଣି ହଜାଉଛେ
ନିତି ଦିନ ଯେହେତୁ ରହୁଛେ ଶୋଇ|୬|