ହିସାବ

କେତେ ମୁଁ ପଢିଛି କେତେ ମୁଁ ଦେଖିଛି ତାହା ହେବନାହିଁ ଗଣା,

ଗଣାହେବ କେତେ ମନେରଖିଛି ମୁଁ କେତେପାଠ ମୋତେ ଜଣା ।

କେତେ ମୁଁ ପାଇଛି କେତେ ମୁଁ ନେଇଛି ତା' ହିସାବ ଲୋଡ଼ାନାହିଁ,

ଲୋଡ଼ା ତା' ହିସାବ କାହାକୁ କେତେ ମୁଁ ସେବାଦେଲି ଅନ୍ୟପାଇଁ ।

କେତେ ତୀର୍ଥ ଗାଳି କେତେ ଭୋଗକଲି କାହାକୁ କରିଛି ପୂଜା,

ମନେରଖି ତାକୁ ଖୁସିହେବା ବୃଥା ଭାବ-ଭକ୍ତି ହୁଏଖୋଜା ।

କେତେ ସଂଖ୍ୟାରେ ମୋ ବନ୍ଧୁ ରହିଛନ୍ତି ରଖିହୁଏ ନାହିଁ ମନେ,

ବିପଦ ବେଳକୁ ଖୋଜିଲେ ଆମକୁ ମିଳିବେନି କେହି ଜଣେ ।

କେତେ ରୋଜଗାର କରିଛି ଜୀବନେ ଖର୍ଚ କରିଛି ମୁଁ କେତେ,

କେଉଁଧନ ଭଲ କାମରେ ଲାଗିଛି ପଚାରିବେ ନାହିଁ ମୋତେ ।

କେତେ ସ୍ଵପ୍ନ ଦିବାନିଶରେ ଦେଖିଛି ତାକୁ ଗଣିହେବ ନାହିଁ,

କେତୋଟି ସାର୍ଥକ ହୋଇଛି ଭାବିଲେ ହତାଶ ହୋଇବି ମୁହିଁ ।

 #ସିଧାକଥା