ହିନ୍ଦୁଙ୍କର ନବ ବର୍ଷ

ନେତା ଓ ରକ୍ଷକ ହୁଅନ୍ତି ଭକ୍ଷକ 

ମାନବିକତା ଦିଅନ୍ତି ବିକି

ଅସତ୍ୟ ପଥରେ ଗତି କରନ୍ତି ସଦା

ଲୋକଙ୍କୁ ଦିଅନ୍ତି ଠକି ।

ଶୁଣାଇ ଗୀତା ଜ୍ଞାନ ତତ୍ତ୍ୱ ଅଧର୍ମର 

ହେଉଛନ୍ତି ସାରଥି

ମାନ ପ୍ରତିପତ୍ତି ପ୍ରଲୋଭନେ ପଡ଼ି

ମାନବିକତା ହରାଅନ୍ତି ।

କେହି ଜାଣେନି କେଉଁଠି କେମିତି 

କଅଣ ସମୟ ଆଣିବ

ସଫଳତା କାହାକୁ ପିନ୍ଧାଇବ, ପୁଣି 

କାହାକୁ ବିଫଳତା ଦେବ ।

ସମ୍ଯକ ପଥେ ଅଗ୍ରସର ହେଲେ 

ଲାଳସାକୁ କରିବ ପ୍ରତିହତ 

ସରଳତା ହେଲେ ଜୀବନର ବ୍ରତ 

ପାଇବା ସନ୍ତୋଷ ଅପରିମିତ ।

ଅଜବ ଲାଗୁଛି, କାହିଁକି କେଜାଣି 

ସଭ୍ୟ ସମାଜରେ ଅଛି ମତାନ୍ତର

ଯଦି ଏକ ଇଶ୍ୱର, ତେବେ କାହିଁକି 

ଅନେକ ଧର୍ମ, ତା ଭିତରେ ମନାନ୍ତର ।

ଆଇନ୍ ତା ବାଟରେ ଚାଲୁଛି, ନାଲି 

ଫାଇଲ ଭିତରେ ହୋଇଛି ଥୁଆ

ଅଧିକାର ସବୁ ସମ୍ବିଧାନ ଓ ଆଇନ

ବହିରେ ଅଛି, ଫସର୍ ଫାଟୁଛି ତାହା ।

ମାୟା ମୃଗ ପଛେ ଗୋଡ଼ାଇ ଗୋଡାଇ, 

ସବୁ ଥାଇ ଆଜି କାହିଁ ଶାନ୍ତି  

ଅତ୍ଯଧିକ ଧନ ଅତ୍ଯଧିକ ପ୍ରତିଷ୍ଠା ଲାଳସା,

ଗର୍ବ ଅହଙ୍କାରେ କରୁଛେ ଗତି ।

କର୍ତ୍ତବ୍ୟ ବୋଝ ମୁଣ୍ଡେଇ, ଆନ ମୁଖେ ଯେ 

ହସ ଫୁଟାଉଛି ଦୁଃଖ ପାଏ ସିଏ

ଦେଶ଼ର ପ୍ରଗତି ପାଇଁ ନୂଆ ବର୍ଷରେ ନେବା

 ସକଂଳ୍ପ ମିଶି ହସ ଭରିବା ତା ମୁହେଁ ।