ହେଉ ମୋ ମରଣ

ହେଉ ମୋ ମରଣ ଦେଶ ପାଇଁ ମୋର

ସେବା କରି ତାର ସରୁ ଜୀବନ

ଦୁଃଖୀରଙ୍କି ହାତ ଧରି ଚାଲୁଥିବି

ରଖିବି ତାହାର ମାନ ସମ୍ମାନ l

ଦେବି ମୁଁ ରକତ ତାହାରି ସେବାରେ

ହାଡ଼ ମାଂସ ଅଛି ଯେତେ ଶରୀରେ

ଭୋକିଲାକୁ ଦାନା ଗରିବକୁ କନା

ଦେବି ପରିଶ୍ରମ କରି ମହୀରେ l

ନିଜ ସ୍ୱାର୍ଥ ପାଇଁ ଜୀବନ ହାରିଲେ

ବୃଥା ସିନା ହେବ ଜୀବନ ମୋର

ଜାତି ହିତ ପାଇଁ ସର୍ବସ୍ୱ ହାରିଲେ

ଆତ୍ମା ଦିନେ ଶାନ୍ତି ପାଇବ ମୋର l

ନିଜ ଜୀବନକୁ ବାଜିରେ ଲଗାଇ

ମୋ ଦେଶ ସଇନ କରଇ ସେବା

ଆସ ଭାଇ ଆସ ହାତ ଧରି ଆମେ

ମାଆ ମାଟି ପାଇଁ ଜୀଵନ ଦେବା l