ହେରା ପଞ୍ଚମୀ

କଥା ଦେଇଥିଲ ଆସିବ ଫେରି ତ

    ଗୋଟେ ଦିନ ସେଠି ରହି.

ହେଲେ ବିତିଗଲା ପାଞ୍ଚ ଦିନ ପ୍ରଭୁ

    ତୁମେ ତ ଫେରିଲ ନାହିଁ.

ପ୍ରଭୁ, ମନ ମୋର ବୁଝୁନାହିଁ. l0l

ରାଧା ବିନା କୃଷ୍ଣ ସୀତା ବିନା ରାମ

   ଲକ୍ଷ୍ମୀ ବିନା ଜଗନ୍ନାଥ.

ଘଡ଼ିଏ ଅନ୍ତର ହେଲେ କେ କାହାଠୁ

    ହୁଏ ତ ମହାଭାରତ.

କେମିତି ରହିଛ ପାଞ୍ଚ ଦିନ ପ୍ରଭୁ

   ମୋ କଥା କି ମନେ ନାହିଁ.l1l

ଆଜି ପଞ୍ଚମୀରେ ଯିବି ଦର୍ଶନରେ

   ସାଥି ସହଚାରି ଧରି.

ପ୍ରଭୁଙ୍କୁ ଦେଖିବି ମନେ ତୋଷ ହେବି

   କୁଶଳ କଥା ପଚାରି.

ମାତା ସଜ ହେଲେ ଗୁଣ୍ଡିଚା ମନ୍ଦିରେ

   ନିର୍ଜନ ରାତି ପୁହାଇ.l2l

ଗୁଣ୍ଡିଚା ମନ୍ଦିରେ ଶାରଧା ବାଲିରେ

   ରଥ ତ ଦେଖିଲେ ମାତା.

ଦର୍ଶନେ ଆସିଛି ଆହେ ପ୍ରାଣେଶ୍ୱର

   ପଠାଇ ଦେଲେ ବାରତା.

ବାରତା ଶୁଣିଲେ ଦୁଆର କିଳିଲେ

  ଦରଶନ ଦେଲେ ନାହିଁ. l3l

ରାଗ ରୋଷ ହୋଇ ଫେରିଲେ ମାତା ତ

   ମନରେ ପାଇ କଷଣ.

ଶାରଧା ବାଲିରେ ନନ୍ଦୀଘୋଷ ରଥ

   ଭାଙ୍ଗି ଶାନ୍ତ କଲେ ମନ.

ମନ ଦୁଃଖେ ଆସି ଫେରିବା ବାଟକୁ

   ମନ୍ଦିରେ ରହିଲେ ଚାହିଁ. l4l