ହେ ଜଳ !
ହେ ଜଳ !
ହେ ଜଳ !
ତିନି ଭାଗ ତୁ ,
ଦେହରେ, ଭୂ 'ରେ, ପୁଣି ଭୁମା'ରେ
ଭାଗେ ପୁଣି ମିଠା, ଦି ଭାଗ ଲୁଣି
ଭାଗକରୁ ଅଣାଏ ବଳିଛି,
ବାକି ତକ ପଙ୍କ
ଲୁଣି କୋଉ ଢୋକିହବ !
ମାଆ ପରି ମାଟି କୋଉ ବିଶୁଦ୍ଧ ଅଛି ଯେ ,
ପଙ୍କେଇଗଲେ ବି ଧୋଇହନ୍ତା ବିଷର ବାଟ କାଇଁ?
ନୀଳକଣ୍ଠ ହବାକୁ କିଏ ବା ଜନ୍ମିଛି,
ଯିଏ ପିନ୍ଧିବ ଶ୍ବେତ ଚନ୍ଦ୍ରମା ,
ଆଉ ଗିଳିଦବ ଗରଳ,
ନୀଳ କରି ତଣ୍ଟି ମୂଳ ।।
ଲାର୍ଭାରେ ଭରୁଛି ଅଗ୍ନିଉଦର ,
ଜୀବନ ନାଇଛି ମୁଖା ।।
ତିନି ଭାଗ ଯଦି ଅଛୁ କୋଉଠି ....
ଆ' ଶୀତଳେଇ ଦେ
ମୃତ୍ତିକା ଠୁ ଚେର ଯାଏ ।।
ଫେରିଆସୁ ସବୁଜିମା ,
ମରୁ ରୁ ପ୍ରାନ୍ତର ଯାଏ
କେନଉ ଅଗ ପତ୍ର ରୁ ମୁଠେ
ନାଲିନାରଙ୍ଗି ଆଉଟା ରଙ୍ଗ ଧରି ।
ବସନ୍ତୁ ନୀଳକଣ୍ଠ
ଅର୍ଦ୍ଧନୀମଳିତ
ଚକ୍ଷୁ ଫେଇ
ଅନନ୍ତ କାଳ ।