Library
ହେ ଭଞ୍ଜ ମାଟିର ମିଠା ମହକ
ହେ ଭଞ୍ଜ ମାଟିର ମିଠା ମହକ
ଗଞ୍ଜାମ ମାଟିର ହେ ମିଠା ମହକ
ଅନନ୍ୟ ଯେ ଅଯାଚିତ
ଲେଖିଦିଅ ଯାହା ଶବ୍ବରେ କିମିଆଁ
ଛୁଇଁଯାଏ ସବୁ ଚିତ୍ତ
ଟୁପୁରୁ ଟାପୁରୁ ସଭିଙ୍କ ଓଠରୁ
ତୁମେ ଶବ୍ଦ ଯାଦୁଗର
ଜୀବନ ଦର୍ଶନ ଭକ୍ତି ନିଦର୍ଶନ
ଆବେଗେ ତୁମ ସ୍ୱାକ୍ଷର
ମୁଖ ପୁସ୍ତକର ମନ ମଲାଟରେ
ତୁମେ ଅଲିଭା ଅକ୍ଷର
ହେ ଭିନ୍ନ ପ୍ରତିଭା ସଦା ପାଅ ଶୋଭା
ସବୁ ମନେ ତୋଳ ଘର
ପାଠକ ମନକୁ ମୋହୁଥାଅ ସଦା
ତୁମ ଲେଖନୀର ଶ୍ରମେ
କରନ୍ତୁ କଲ୍ୟାଣ ଏ ପାଠକ ଗଣ
ବାନ୍ଧିଥାନ୍ତୁ ସ୍ନେହ ପ୍ରେମେ
ହୁଅ ଯଶବାନ ଏବଂ ଆୟୁଷ୍ମାନ
ଦଇବ ଦୁଆରେ ଅଳି
ତୁମ ଜୀବନରେ ଲାଗିଥାଉ ସଦା
ହସ ଖୁସିର ଗହଳି
ସଭିଙ୍କର ପ୍ରିୟ ଛୁଅଁ ହେ ହୃଦୟ
ମଣିଷଟେ ମିଷ୍ଟାଭାଷି
ତୁମେ ସମର୍ପଣେ ନିୟମ ନିଖୁଣେ
ଦେଉଛ ବାର୍ତ୍ତା ପରଶି
ହେଲ ଚିହ୍ନା ମୁହଁ ନିଆରା ନିର୍ଣ୍ଣୟ
ତୁମ ଉଦ୍ୟମ ଆପ୍ରାଣେ
ହୋଇଗଲ ଧନ୍ୟ ଗଞ୍ଜାମ ଭୁବନ
ତୁମ ଜନ୍ମ ଶୁଭକ୍ଷଣେ
ଧନ୍ୟ ସେଇ ମାଆ ଧନ୍ୟ ସେଇ ଗାଁଆ
ତାଙ୍କୁ କୋଟି ଦଣ୍ତବତ
ହୀରାର ସନ୍ଧାନ ହେ ଯୋଗ୍ୟ ସନ୍ତାନ
ସଭିଙ୍କ ପରାଣ ମିତ
ସଲାମ୍ କରୁଛି ତୁମ ସାଧନାକୁ
ବଜାଇ ରଖିଥ ସଦା
ମାତୃଭୂମି ମାତୃଭାଷାରେ ମମତା
ମନ ତଳେ ଜାଗୁ ଶ୍ରଦ୍ଧା....।
ଦାଶରଥି ସାହୁ
କଳମ୍ବ/ଗଜାଂଂମ
