ଅଠରେ ଅନ୍ତିମ କବିତା

ମୁଖ ପୁସ୍ତକରେ କେତେ ଜ୍ଞାନୀ ଗୁଣି

ସୀମାହୀନ ସର୍ବେ ସିନ୍ଧୁ

ସେହି ସିନ୍ଧୁ କୋଳେ ନିଜକୁ ହକାଳେ

ବୁଦ୍ଧି ବିବେକେ ମୁଁ ବିନ୍ଦୁ

ବିନ୍ଦୁଟିଏ ହୋଇ ରହିବାକୁ ଚାହେଁ

ସବୁ ମନ ସରୋବରେ

ଜଣା ଅଜଣାରେ ଦେଇଥିଲେ ଦୁଃଖ

କ୍ଷମା କରିଦେବେ ବାରେ

କେହି ବାପା ମାଆ ବନ୍ଧୁତାର ହିଆ

କେହି ମୋ ଭଉଣୀ ଭାଇ

ଅଜ୍ଞାନ ଅନ୍ଧାରେ ଜ୍ଞାନ ଦୀପ ଜାଳି

ଦେଇଛ ବାଟ ବତେଇ

ଶିଖି ଶିଖେଇବା ସୂତ୍ରକୁ ଆଦରି

ପାଦ ମୋର ଥାପି ଥିଲି

ତାରା ଖୋଜୁ ଖୋଜୁ ହାତ ପାଆନ୍ତାରେ

ଆକାଶ ମୁଁ ପାଇଗଲି

ଏତେ ସ୍ନେହ ଶ୍ରଦ୍ଧା ପାଇଛି ଏଇଠୁ

ମନେ ରହିବ ନିଶ୍ଚୟ

ପ୍ରଭୁ ପାଦେ ଅଳି ହସ ଖୁସି ଢାଳି

ଦିଅନ୍ତୁ ସଭିଙ୍କୁ ଅଭୟ

ଲେଖନୀ ନିମନ୍ତେ ଅଜସ୍ର ଉତ୍ସାହ

ଦେଉଥାନ୍ତୁ ମତଦାତା

ମୁହିଁ ଦାଶରଥି ଅନ୍ତରୁ ପ୍ରଣତି

ଅଠରେ ଅନ୍ତିମ କବିତା

ଦାଶରଥି ସାହୁ

କଳମ୍ବ/ଗଜାଂମ